www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Чодуевде “чоң чыр” жаткан тура...

Айдар Нуралиев 20-август 2019, 16:33

Саясат


Чодуевде “чоң чыр” жаткан тура...

Айыл чарба министри Эркинбек Чодуевге карата Жалал-Абаддагы “Коттон Оушен” компаниясы бир кезде “Лиматекс” ишканасын жетектеп турганда пахта даярдоого 1 миллион доллар алып, ушул күнгө чейин карызын кайтарып бербей жүргөнү тууралуу даттанды. Аталган компаниянын жетекчиси Замира Ибрагимованын айтымында ал иштер өлкөдөгү таасирдүү адамдардын аралашуусу менен ага карата козголгон кылмыш иштери соттук териштирүү аягына чыкпай келе жатат.

«Бул киши ошол кезде компаниянын директору болуп турганда акчаны алып, өз колу менен квитанция жазып берген. Биз бул акчаны пахтаны даярдап берүү боюнча келишимдин негизинде бергенбиз. Анда бул киши «Лиматекс” пахта тазалоочу корпорациясынын аткаруучу директору болуп турган. Биз пахтаны тазалап берүү жана пахта даярдоо боюнча келишимге келип, акчаны эсепкана аркылуу өткөрүп бергенбиз. Бирок бул киши сезон бүткөндөн кийин пахта даярдап берүү боюнча өзүнө алган милдеттенмени аткарбай койгон. Ошентип акча бул кишиде калып кетти. Бизде муну тастыктай турган банк көчүрмөлөрү, акча алынганы тууралуу квитанциялар жана эки тараптуу кол коюлган келишим сыяктуу бардык документтер бар. Бул адам кийинки сезондо пахта даярдап берүүгө убада берип, бирок ошондон кийин да акчаны төлөгүсү келбей, андан ары бизден качып, эч эле көрүнбөй койду. 2010-жылы кандуу окуя болуп кетти. Акча ошол бойдон берилбей калды. Биз 2011-жылы арыз жазып, алдамчылык боюнча кылмыш иши козголгон. Андан кийин бул иш улам эле токтотулуп же кыскартыла берди. Биз болсо улам арыздана бердик.

Ошентип отуруп, биздин ишти териштирүү борбордук органдарга чейин жетти. Бирок майнап дагы эле чыга элек” – дейт Ибрагимова.

Ал эми министр Чодуев бул коюлуп жаткан дооматтар курулай жалаа экенин айтат. Анын айтымында, пахта тазалоочу “Лиматекс” корпорациясы менен “Коттон Оушен” компаниясынын ортосундагы өз ара чарбалык мамиле боюнча келишимдин шарттары бузулган эмес. Ишенсе болобу? Министр экенине жана чоң “лөктөрдүн” жакыны дегенине карабай Чодуевди жакадан алганына караганда Ибрагимованын бир билгени же иштин “ит өлгөн” жайы бар го!, - дейт «Факты.kg» гезити.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83