www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Кой-Таштагы башаламандыктан улам келтирилген зыян 8 млн. сомдон ашты

Кызгалдак Жакыпова 21-август 2019, 16:42

Экономика Саясат


Кой-Таштагы башаламандыктан улам келтирилген зыян 8 млн. сомдон ашты

Башкы прокуратуранын басма сөз кызматы Кой - Ташка жакын жердеги Беш-Күнгөй айылында милиция бөлүмүн жана машиналарды өрттөөдөн улам келтирилген зыяндын суммасы 2,1 млн. сомду түзгөнүн билдирди.

Ошондой эле тартипсиздиктердин учурунда Бишкекте 34 видеокамера жабыркаган, алардын ичинен жетөөсү “Коопсуз шаардын” камералары. Маалыматтык технологиялар жана байланыш мамлекеттик комитетинен кабарлашкандай, залал келтирилген камералардын алдын-ала суммасы 4 млн. сомдон ашкан.

Бишкек мэриясынын маалыматына ылайык, 7-9-августта муниципалитет милицияга жардам үчүн 70 жүргүнчү ташуучу автобусун бөлгөн - алардын ичинен 30 автобустун айнек-терезелери талкаланган, ал эми бирөөсү ондоого жараксыз болуп калган. “Алдын ала эсеп боюнча автобустарды калыбына келтирүүгө 2 млн сом кетет. Миниципалитет кыйыр да чыгымга учурады: күнүмдүк киреше 100-120 миң сомго азайып кетти, 60 айдоочу убактылуу жумушсуз калды”, - деп билдиришти мэриядан.

Атамбаев күч органдарынын атайын операциясынан кийин кармалган 8-августтун түнүндө анын жаалданган 600-700 тарапкерлери Бишкектин борбордук аянтына “чабуул” жасашып, башаламандыктарды уюштуруу аракетин көрүшкөн. Бирок милиция аларды кулак тундуруучу гранаталарды атып кууп-тараткан соң айрым банктар менен бизнесборборлордун эшик, терезелерин талкалап, зыян келтиришкен. Милиция кызматкерлери ошол күнү 40тан ашык башаламандык уюштургандарды кармаган, - дейт “Майдан. kg” гезити.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83