www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
АУДИО - ВИДЕО - "Бука” мингиси келген кыз, тартиптен чыккан кыргыз...

Кызгалдак Жакыпова 31-август 2019, 12:45

Турмуш Коом



АУДИО - ВИДЕО - "Бука” мингиси келген кыз, тартиптен чыккан кыргыз...

Кыргыз эли акыркы жылдары бирде алдыга жылса бирде артка жылып, акылсызы баатыр, бизнесмени аткаминер болуп айтор, 2010-жылдан кийин өлкөдө баш-аламандык өкүм сүрдү. Ак үй тарапты кеп козгой турган болсок, шоопуру үлкөн орунда “былч” этсе, көзү сулуусу мээси иштебесе деле мамлекеттик маанилүү кызматтарды ээледи.

Ток этээрин айтканда жыйынтыгында кыргыз элинин көпчүлүгү тартиптен чыгып, тамекиден насывайга алдырып, шаардын чак ортосунда түкүрүктөр какырыкка айланды.   

Дүйнө эли түп көтөрүлүп өнүгүп жатса, өпкөнү колтуктап аркы өйүз менен берки өйүздү топтоп “журт атасы” болгон мурдагы өлкө башчыбыз, ич ара согуш ачкысы келди. Анысы аз келгенсип Ак үйдөгү айрым аткаминерлер, тымызын бири-бирин кытыгылап олтурганы айдан-ачык. Баарын карап туруп, кайран гана "чукугуч" кыргыз деп баш чайкаганга аргасыз болосуң.

Каалайык калктын көпчүлүгү болсо бийликтен мамлекет өнүгүшү керек, кооз өлкөдө жашагыбыз келет деген талапты койгону менен мамлекеттин ички тартибине моюн сунгусу келишпейт.

Баса белгилеп айта кете турган болсок, кечээ 30-августта Бишкек шаарында Ч.Айтматов менен Масалиев көчөсүнүн кесилишинде “Ынтымак” паркын КР президенти Сооронбай Жээнбеков өзү барып салтанаттуу азем менен ачканы жалпыга маалым.

Тилекке каршы, Бишкекте жаңы ачылган паркка келген айрым жарандар өздөрүнүн маданиятсыздыгын көрсөтүп, атайын жасатылган конструкцияларга минип, айрымдарын талкалап салышкан.

Учурда социалдык тармактарда каттуу талкуу жүрүп, жоолук салынган кыздын атайын жасалган жаныбардын үстүнө секирип чыккан тасмасынан улам жемеден-жемеге калды.

Урматтуу кыргыз элибиз, мындай жапайычылык талкаламай, ар кайсы жерге түкүрүп-какырып, таштанды таштаган адаттарыбыз качан калат, айтор, таптакыр белгисиз.

Ал эми букага мингиси келген кызды көргөн, тартиптен чыгып бара жаткан кыргызды көргөн кийинки муундар оңолот чыгаар. Баса, бүгүнкү Эгемендүүлүк майрамыңыздар менен!

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83