www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
2010-жылдагы Убактылуу өкмөттүн мүчөлөрү чогулушту. Эмнеге?

Кызгалдак Жакыпова 11-сентябрь 2019, 10:04

Саясат


2010-жылдагы Убактылуу өкмөттүн мүчөлөрү чогулушту. Эмнеге?

Кечээ 2010-жылы 7-апрель революциясынан кийин мамлекетти башкарышкан Убактылуу өкмөттүн бир топ мүчөлөрү Бишкектин ресторандарынын биринде чогулушуп, чайлашканы маалым болду.

Бул маалыматты ЖМКлардын бирине ошол кездеги Коргоо министри Исмаил Исаков тастыктаган. Бул чайлашууга экс-президент Роза Отунбаева, Өмүрбек Текебаев, Темир Сариев, Кеңешбек Дүйшөбаев, Азимбек Бекназаров, Кубатбек Байболов, Эльмира Ибраимова ж.б. келишкен.

Бирок бул чогулушка КСДП фракциясынын лидери, бул саясатчылардын ошол кездеги үзөңгүлөшү Иса Өмүркулов келген эмес. Ал эми Атамбаевдин келбегенин айтпасак да билесиздер. Исаков бул чогулуунун биринчи максаты абактан чыккандарына аз эле болгон Текебаев менен Чотоновго учурашып, ден-соолугун суроо жана азыр эмне болуп жаткан билүү, пикирлешүү экенин айткан.

Булардын ичинен бир топтору Текебаевге буга чейин эле жолугуп, учурашышканы маалым. Чынында Убактылуу өкмөтчүлөрдүн ич ара ынтымактары, катышы деле укмуш эмес. Күтүлбөгөн жерден минтип чайлашуу балким бекеринен эместир. Алдыда шайлоо. Анан калса, бийликтин жүргүзгөн саясатына нааразы болгондордун барган сайын катары калыңдап баратканы ачыктан-ачык байкалууда. Айтор, эмнеси болсо да баары бат эле ачыкка чыгат... Бул тууралуу "Багыт.kg" гезити жазып чыкты.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83