www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Каныбек Исаков билим берүү тармагын кризистен чыгара алабы?

Кызгалдак Жакыпова 11-сентябрь 2019, 10:13

Саясат


Каныбек Исаков билим берүү тармагын кризистен чыгара алабы?

Мурдагы билим берүү жана илим министри Г. Кудайбердиева кызматтан алынып, анын ордуна ОшМУнун ректору Каныбек Исаковдун талапкерлиги талкууланып атканда парламент депутаттары “эки иштен бир иш” - деп, бул тармактын көйгөйлөрүн да талкуулап жиберишти.

Эл өкүлдөрү алгач 9-сентябрда Социалдык маселелер, билим берүү, илим, маданият жана саламаттык сактоо боюнча комитети кезектеги олтурумунда Каныбек Исаковдун талапкерлигин карап, жактырышты.

Каныбек Исаков 2011-жылдан бери карай ОшМУнун ректору болуп келет. “Жетекчилик кызматка келгени инновациялык бир топ жаңылыктарды тажрыйбалап, көз карандысыз аккредитациядан өтүп, өсүштөргө умтулуп келет”, - деди жаңы министрлик орунга талапкердин өмүр баяны менен тааныштырган өкмөт башчынын орун басары “Абитуриенттерди кабыл алуунун тартиби он-лайн ыкмасында ишке ашырылып жаткандыгы да иштин көзүн таба билген жетекчинин көрөгөч жөндөмү”,- деди вице-премьер-министр.

Талкууда депутат Алмазбек Токторов120 миң киши иштеген татаал тармакка келип жаткан Каныбек Исаковго кайрылып, ОшМУнун ишин өрнөктүү жолго салып койгон жетекчилик аракетине ыраазы болуп, окуу жайдын бюджети 1,5 млрд. сомго жеткендигин белгиледи. ОшМУ бир гана билим борбору гана эмес, маданий борборго, кала берсе Ош шаарынын бюджетин түзүүчү негизги структурага айлангандыгын айткан эл өкүлү А.Токторов: “Чыныгы лидерлердин
ишке келиши билим берүү тармагын алдыга сүрөйт”, - деди.

ОшМУда окуган студенттердин ар биринин кыймыл-аракети, окуудагы жетишкендиги он-лайн аркылуу ата-энелердин да, мугалимдердин да көз кырында турат. Бул тууралуу иштин ийгилигин белгилеген депутат Жанарбек Акаев:

“ОшМУга К.Исаков жетекчилик кылган жылдары 5 млн. долларлык инвестиция тартылды. Бул соңку 2-3 жылдагы жетишкендик. Ушундай жетекчинин республиканын Билим берүү тармагын жетектөөгө келиши үмүт жандырат” ,- дейт.

Айтор Каныбек Исаков эгер министр болуп калса, бүтүндөй өлкөбүздүн билим берүү тармагын ОшМУдай өнүктүрүп, коррупциядан арылтарына үмүт чоң, деп “Майдан-пресс” гезити өз пикирин коомчулукка жарыялаган.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83