www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Абылгазиев: «Айыл чарбасын каржылоо» программасын ишке ашыруу механизмдери жакшыртылышы керек

Кызгалдак Жакыпова 11-сентябрь 2019, 17:32

Саясат


 Абылгазиев: «Айыл чарбасын каржылоо» программасын ишке ашыруу механизмдери жакшыртылышы керек

«Айыл чарбасын каржылоо» программасын ишке ашыруу механизмдери жакшыртылышы керек. Бул тууралуу Кыргыз Республикасынын Премьер-министри Мухаммедкалый Абылгазиев кеңешмеде билдирди. Бул тууралуу Өкмөттүн басма сөз кызматы билдирди.

Өкмөт башчы белгилегендей, «Айыл чарбасын каржылоо» программасы аймактарды өнүктүрүү үчүн иштөөгө тийиш.

««Айыл чарбасын каржылоо» программасы боюнча алынган каражаттарды максатсыз пайдалануу учурлары бар. Мисалы, фермерлер породаларды жакшыртууга, малдын башын көбөйтүүгө же өсүмдүк өстүрүүнү өнүктүрүүгө насыя алышат. Бирок бул акчалар кийин башка максаттарда пайдаланылат. Бүгүн бир дагы тийиштүү мамлекеттик органдын бөлүнгөн каражаттар эмнеге жумшалары тууралуу конкреттүү маалыматы жок. Берилген насыялардын кайтарымдуулугуна гана эмес, аларды максаттуу пайдалууну жөнүндө тынчсыздануу керек», – деп баса көрсөттү Өкмөт башчы.

«Айыл чарбасын каржылоо» программасын өркүндөтүү үчүн жаңы долбоор иштелип чыккан. Анда эки категорияны киргизүү каралган. Бул «Айыл чарбасын каржылоо – фермер» категориясы, ал социалдык багытта болуп, майда бизнес үчүн күрөөсүз топтук насыяларды алууга арналат. Экинчи категория – «Айыл чарбасын каржылоо – кластер». Бул линия 10 млн сомго чейин алуу мүмкүндүгү менен аймактын кластердик потенциалын өнүктүрүүгө багытталган. Ошону менен бирге жаңы долбоорду каржылоонун модели дагы өзгөрөт.

Премьер-министр Мухаммедкалый Абылгазиев 10 иш күнүнүн ичинде келечекке карата болжолдуу талдоосу менен долбоорду иштеп чыгууну жана тиешелүү токтом долбоорун Кыргыз Республикасынын Өкмөтүнүн Аппаратына киргизүүнү тапшырды.

Мындан тышкары кеңешмеде адистештирилген насыялык-аманат мекемелери аркылуу турак жайга максаттуу топтоо механизмин иштеп жаткан  «Мамлекеттик ипотекалык компания» ачык акционердик коомунун ишмердүүлүгү талкууланды.

Муну менен бирге «Мамлекеттик ипотекалык компания»  ААКнын директору Эльмира Абжапарова, компания «Жеткиликтүү турак жай 2015-2020» программасынын алкагында эл аралык донорлорду ипотекалык насыялоого тартуу максатында иш алып барып жатканын билдирди.

Анын айтымында, бардык белгиленген пландарды жүзөгө ашырууда мамлекеттик колдоодон  көз карандысыздыктан чыгууга болот.

Маалымдама: «Айыл чарбасын каржылоо» программасы 7 жыл иштейт.

Бул убакыттын аралыгында 90 миң фермер жалпы суммасы 34 млрд сом болгон жеңилдетилген насыя алды. Жалпы насыянын көлөмүнүн 68% мал чарбачылыгына, 17% – кайра иштетүүгө, калган 15% – айыл чарба өсүмдүктөрүн өстүрүүгө багытталды. Ошол эле учурда кредиттик ресурстарга муктаждык көбөйүүдө, ал эми мамлекеттик банктар каржылоо долбоорлорун ишке ашырууда бардык керектөөнү жаба албай жатат. Мисалы, «Айыл Банк» ААКга 2019-жылы насыя алуу үчүн 10504 арыз келип түшкөн, анын 2409у гана жактырылган.

Булак: NazarNews.kg

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83