www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Чоң-Алайда жер титирөөдөн жабыр тарткандарга 2,3 млн сом акчалай жардам которулду

Перизат Кутманалиева 19-июнь 2017, 11:22

Коом Кылмыш жана кырсык Кайрымдуулук


Чоң-Алайда жер титирөөдөн жабыр тарткандарга 2,3 млн сом акчалай жардам которулду

Ош шаарынын мэри Айтмамат Кадырбаев Жекенди айылындагы жер силкинүүдөн жабыр тарткан тургундардан кабар алды. Шаар башчысын коштоп Чон-Алай районунун акими Ж.Жапаров жана Ош шаарынын мэриясынын аппарат жетекчиси А.Осмонов жана жергиликтүү бийлик өкүлдөрү барышты. Бул тууралуу Ош шаардык мэриясынын басма сөз кызматы кабарлады.

Алгач шаар мэри айыл тургудары менен жолугушуп, Ыйык Рамазан айында туткан орозолордун кабыл болуусун жана мындай кырсыктар экинчи болбосун деген тилектерин билдирди.

«-Биз бул кырсык болгон алгачкы күндөн тартып ММК аркылуу силердин абалынар тууралуу маалымат алып турдук. Тез арада жер титирөөдөн жабыр тарткандарга жардам берүү иретинде чечим кабыл алып, Ош шаарындагы мамлекеттик жана муниципалдык мекеме-ишканалардын кызматкерлери бир күндүк айлык акысын которууну макулдашып ,бүгүн ошол топтолгон 2,3 млн. сомду сиздерге тапшырганы келдик. Албетте, эн негизгиси адам өмүрүнө зыян келбей, башынар аман экендиги бул чон байлык, буга Жаратканга шугур кылышыбыз керек. Балким бул сыноодур, ага чокпостон, белди бекем бууп, алдыга карай умтулуп жашоо керек. Мамлекет жетекчилиги сиздерди эч качан жардамсыз калтырып койбойт,силерди эртерээк турак-уй куруп, жаны конуштарда жашап кетишиңиздер үчүн бардык жардамды берип келүүдө. Ош шаарынын эли ар дайым сиздер менен бирге»- деди Ош шаарынын мэри Айтмамат Кадырбаев.

Жекенди айылынын тургундары Ош шаарынын мэрине жана жардам көрсөткөн бардык шаар тургундарына ыраазычылыктарын айтышты. Акчалай жардам менен биргеликте Жекенди айылынын тургундарына азык-түлүк да жеткирилди.

Белгилей кетсек, Чон-Алай райоунун Жекенди айылында 3-май куну жер титирөө катталып, бир нече турак-үйдө жаракалар пайда болуп, айрым короо-сарайлар кулап түшкөн. Анын ичинен 610 турак-үй 4-даражадагы категорияда жабыр тарткан. Учурда 210 турак-үй толугу менен бузулуп, анын ордуна жаны үйлөрдү куруу иштери жүрүп жатат.

Булак: "barometr.kg"


Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!


Бөлүшүү


Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 777 289 549
+996 777 289 549
+996 777 289 549