www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Кадамжайлык 97 жаштагы Буузар апа биринчи жолу туулгандыгы тууралуу күбөлүе алмай болду

Камчыбек Бостон 23-июнь 2017, 04:03

Коом


Кадамжайлык 97 жаштагы Буузар апа биринчи жолу туулгандыгы тууралуу күбөлүе алмай болду

Кадамжай районунун Кыргыз-Кыштак айылынын 97 жаштагы тургуну Буузар Мамаражапова соттун чечими менен биринчи жолу туулгандыгы тууралуу күбөлүк алууга укуктуу болду. Бул тууралуу Кадамжай райондук юридикалык консультация кызматынын жактоочусу Шайдулла Садиров билдирди.

Анын айтымында, 1920-жылы Буузар Мамаражапова төрөлгөн мезгилде азыркыдай документ берүү болгон эмес. Ал 1956-жылы турмушка чыгып, күйөөсүнүн фамилиясына өтүп, чарбалык китепке каттоого алынган. Ошол бойдон Ош облусунун Фрунзе районунун Калинин колхозунда эмгектенип, пенсияга чыккан. Азыркы күнгө чейин пенсиялык китептен башка эч кандай документ алган эмес. 2017-жылдын апрель айында жактоочуга оозеки кайрылган.
Шайдулла Садиров райондук ЖААК бөлүмүнө каттап, туулгандыгы тууралуу күбөлүк жазып берүү боюнча кат менен кайрылган. Бирок, 1935-жылга чейинки жарандарды каттаган документтер өрттөлгөнү белгилүү болгон. Облустук ЖААКтын өкүлдөрү сотко кайрылууну сунуштаган.
Кадамжай райондук сотунда 14-июнь күнү алгачкы отурум, 21-июнь күнү экинчи отурум өтүп, жыйынтыгында Буузар Мамаражаповага туулгандыгы тууралуу күбөлүк берүү чечими чыгарылды.

Булак: "turmush.kg"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83