www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Алмазбек Атамбаев: "Мен ушул жылы үстүңө жугунду куйган сынчылардын айынан ден соолугумду өтө көп начарлатып алдым"

Камчыбек Бостон 28-июнь 2017, 09:10

Саясат


Алмазбек Атамбаев: "Мен ушул жылы үстүңө жугунду куйган сынчылардын айынан ден соолугумду өтө көп начарлатып алдым"

“Кыргызстанда жакшыны көрбөгөн, жаманды гана көргөн сынчы кишилер өтө көп, бул өлкө үчүн өтө чоң балээ”, – деп билдирди журналисттерге Алмаз Атамбаев 24-июнда, Казан шаарында Россияга болгон сапарын аяктап жатып. Бул тууралу akipress маалымат агенттиги жазып чыкты.
“Биз Евразиялык экономикалык союзга кирип жатканда эмне деп гана сындашпады. Эми карагылачы, товар жүгүртүү 23%га өстү. Эмгек мигранттары бизге рекорддук суммадагы акчаларды которуп жатышат. Алардын иштөө шарттары жеңилдеди. Мен эмгек мигранттары менен 2012-жылы жолуккамын, эми азыр, 2017-жылы жолуксам, айрымасы асман менен жердей! Биз ЕАЭБге жеңил-желпи кириш үчүн эле 800 миллион доллар акча алдык. Кыргызстандан башка кайсы мамлекетке ушундай жеңилдиктерди беришти?” – деди Атамбаев.
“Чынын айтсам ал сынчылардын дооматтары менин ден соолугума чоң сокку урду. Биздин өлкөнүн эң башкы көйгөйү эмне? Кыргызстанда жакшыны көрбөгөн, жаманды гана көргөн сынчы кишилер өтө көп, бул өлкө үчүн өтө чоң балээ.  Бул президент үчүн өтө оор болот экен. Бул жылдары мен ден соолугумду өтө көп бузуп алдым. Бул өтө оор экен. Үстүңө жугунду куймай, жугунду, жугунду. Башка өлкөлөрдү карасаң  суктанасын, такыр башкача мамилелер”, – деди Алмаз Атамбаев.
“Ысык-Көлдөгү ипподромду курууга 30 миллион доллар жумшап койсом канча сындашты? Карагылачы, Казакстанда “ЭКСПО-2017” көргөзмөсүн курууга 3,5 миллиард доллар сарпташыптыр, бирок, казактар өздөрү жана журналисттери ал көргөзмөнүн курулганына сыймыктанышып колдошот экен.  Биз элди ойлошубуз керек, элде үмүт отун жандырып туруш зарыл. Эгер адам бир нерсеге ишенсе ал керек болсо рак оруусун да жеңет. А эгер анын үмүтүн тепселеп, койгулап, өчүрө берсе эмне болот…”, – деди ал.
“Келечекте мен журналисттер жаңы президентти, жаңы премер-министрди колдошуп жардам берет деп ишенем, бирок жаңы президент менен жаңы президент мага окшоп ысык-суука бышкан эрки күчтүү болобу… “, – деди Алмаз Атамбаев.

Булак:  "kyrgyztoday.kg"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83