www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Ажону айланасы адаштыра баштадыбы?

Перизат Кутманалиева 29-июнь 2017, 12:27

Саясат Коом Аналитика Эл пикир


Ажону айланасы адаштыра баштадыбы?

Чоң саясый аренада бүйүр кызыткан, асыресе талаштуу жагдай жаралганы турат. Биз бул жаатта ой калчап, калыс сын пикир менен туура багытты берүүнү эп көрдүк. Алмазбек Атамбаевдин Казань шаарында журналисттерге интервью бергендеги сөзү аябай эле таң калычтуу угулду. Президент: «Сентябрдын башында жаңы өкмөт дайындалып, ал 2020-жылга чейин иштейт» деди.

Анын бул сөздөрү саясатчылар менен депутаттардын, окурмандардын көбүн «шок» кылды. Көп кишилерде: «Атамбаев өзүнүн сүймөнчүктөрү Сапар Исаков менен Албек Ибраимовду өкмөткө алып барыш үчүн мыйзамдарды аттап, саясый туруктуулукту коркунуч алдында калтырып, ачык эле олдоксон аракеттерге барабы?» деген суроо пайда болду.

Анткени, Конституция жана мыйзамдар боюнча, өкмөттү шайлоого алты ай калганга чейин алмаштырууга болбойт. Мындай норманы атүгүл качкын президенттер Акаев менен Бакиев да бузган эмес. Анан калса, президенттик шайлоого бир жарым ай калганда өкмөттү алмаштыруунун кандай зарылдыгы бар? Бул президенттик кресло үчүн күрөштүн эң кызыган, күч алган маалы болот эмеспи.

Же Атамбаев парламенттин ичинде, анын сыртында партиялардын премьер-министрдин жана министрлердин портфели үчүн айыгышкан күрөштү башталышын каалайбы? Деги президент: «Шайлоо таза өтсүн, өлкөдө туруктуулук болсун» деген пикирин чын эле айтып атабы? Же анын жан-жөкөрлөрү өлкөнү башаламан кылып коюп, өз кызыкчылыктарын улантмакчы болуп атышабы? Мандем ушул жерде – айланасындагы адамдарда окшойт…

Мындай ойлонулбаган билдирүүнүн натыйжасы өлкө үчүн, анын биримдиги, туруктуулугу үчүн, өзгөчө Конституциянын гаранты катары президенттин өзү үчүн өтө кооптуу болушу мүмкүн. Эмесе, эми жаңылыштыгын оңдоп, туура жыйынтык чыгарат деген ишенимдебиз…

Булак: “Азия Ньюс”


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83