www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Чыныбай Турсунбековдун сөзүнө ким ишенип, шайлоодо колдойт?

Перизат Кутманалиева 05-июль 2017, 10:19

Аналитика Коом Саясат


Чыныбай Турсунбековдун сөзүнө ким ишенип, шайлоодо колдойт?

КСДПнын саясий кеңешинде көп жылдан бери жүрүп, партиянын кадыр- баркынын “артышына” кол кабыш жасап, олигарх башы менен каржылап келатып, президенттик шайлоо жакындаганда бийликтин “рупор” саясий уюму тарабынан талапкер статусун ала албаганы аз келгенсип, андан “тебилип” кеткен Чыныбай Турсунбековдун “ич күптүсүн” түшүнсөк болот. КСДП өз курултайын 15-июлга белгилегенин билебиз.

Бирок, анын чынында качан өтөрү тууралуу талаш-тартыштар токтобой келатат. Бийлик партиясы Сооронбай Жээнбековго гана токтолорун ажо Атамбаев айтканы менен, учурда партия ичи ыдырап, өз ара тытышып атканын кантип калпка чыгара алабыз? Буга бир далил – ЖК төрагасы Чыныбай Турсунбековдун президенттикке аттанып жаткандыгы.

Аны ал мурдагы жума атайын маалымат жыйында кабарлады. Анткен менен, коомчулукта Ч.Турсунбековдун президенттикке ажонун КСДП кимди колдой турганын кайра-кайра кайталап айтканына карабастан, аттанып чыгаарына ишенгендер өтө аз. Себеби, бизнесмен-олигарх Чыке бул даражасына арам жол менен жеткенин, коррупциялык иштерге аралашып калганы азыр кеңири кеп болууда.

Ошондуктан, “ажонун кебин эки кылып, бийлик партиясынын талапкерине каршы аттанса, ошол замат кылмыш ишин козгоп, мойнун бурап коёт”- деп жатышат. Ошондой коррупциялык иштердин бири – Бишкек лекер-арак заводун сатып алганы имиш. Өзү маалымат жыйынында бул маселеге токтолуп, бул маалыматты айтып чыккан Камчыбек Ташиевди сот аркылуу жеңип, кечирим суратканын шардана кылды.

Анткен менен, биздин маалымат боюнча, аталган маселе боюнча соттун чечими Ташиевдин катышуусу жок эле, жең ичинен чыккан да, Ч.Турсунбековдун арак заводду сатып албаганы айтылып, “Ата-Журттун” лидерин 50 миң сомго доого жыккан. А бирок, кызыктуу момент, айтылып келаткандай, арак заводду шектүү болгон арзан баада сатып алууга Чыке эмес, анын тууганы катышканы соттук документтерде айтылыптыр. Ч.Турсунбековдун бул тууганы өмүр бою слесарь болуп эмгектенип келатса, анда арак заводду сатып алууга кайдан акчасы болсун?! Кайсы жагынан алып караба, тийешелүү кызматтар текшерсе кыңыр иштери ачылып калары көрүнүп турбайбы. К.Ташиевди сот кечирим сурап, 50 миң сом айып пул төлөөгө милдеттендириптир. Баш “ата-журтчу” чек жакка чыгайын десе, сот аткаруучулар “запрет” койгондуктан, аргасыз бул сумманы төлөп бергенин билдик. А бирок, Чыныбайдын “Ташиев менен кечирим сурады”- дегени карандай калп экен.

Айтор, ушинтип коомчулуктун башын адаштырып, жалган сүйлөө менен өзүнө рейтинг топтоо амалын жасаган адамды ким ишенип президент кылып шайлайт? Уят болорун билип туруп, чыкпай эле койсо болмок?!

Булак: “Майдан.kg”


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (1)

Ой-пикир жазуу үчүн өз атыңыз менен кириңиз!

Айгерим Касымова, 05-июль 2017, 12:18
Чыныбай Турсунбековтон коркуп, башка талапкерлер черный пиар баштаптырго. Ташиев кечерим сурабаса пресс-конференция чогултуп айтмак ачык эле. Бабановтун курултайы отконнон кейин чыгып айттыго. Ликер заводу боюнча парламенттик комиссия болгон, финпол, АКС текшеришкен, бул жагынан баары эле мыйзам чегинде болгон. Чынында аны колдогон киши коп, элдин атынан айтпай эле коюнузчу. Колдой турган кишилер Нарында, Иссык-колдо, Чуйдо, Таласта, Туштукто коп. Элдин атынан жазганына сизге эчким укугун берген жок.
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83