www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Азия континентинде аялдар эркектерге караганда 170 миллионго аз

Камчыбек Бостон 20-август 2017, 11:10

Коом Дүйнө жүзүндө Борбордук Азия жаңылыктары


Азия континентинде аялдар эркектерге караганда 170 миллионго аз

Азия континентинде эркектерге караганда аялдар аз. Мындай маалыматты БУУнун радиосуна таянып чет элдик маалымат булактары бүгүн, 19-августта жазууда.
Берилген маалыматка ылайык, уул балага артыкчылыктарды берүүгө байланыштуу Түштүк, Түштүк-Чыгыш жана Борбордук Азияда кеминде 170 миллион аял жетишпейт. Дүйнөнүн бул бөлүгүндөгү жашоочулардын дээрлик көпчүлүгү эркек балалуу болууну каалайт. Калктын мындай каалоосун ишке ашырууга акыркы жылдардагы УЗИнин түйүлдүктүн жынысын эрте мөөнөттө аныктап бергендиги шарт түзүүдө.
БУУнун калкты каттоо иштеринин жыйынтыгы боюнча, калк эң көп жайгашкан Кытай жана Индияда эркектерге караганда аялдын саны кескин азайган. Мындан тышкары мындай көрүнүш Кавказда да байкалары белгилүү болгон. Бул жакта 100 кызга 130 уул бала туура келет.
БУУнун эксперттери уул балага артыкчылык берүү кыздарга карата басмырлоо менен зомбулукту күчтөндүрөрүн белгилеп, мамлекеттик органдарды буга каршы турууга чакырган. Жакында эле буга БУУнун беш агенттиги: Адам укуктары башкармалыгы, Калк фонду, ЮНИСЕФ, «БУУ-аялдар» жана Дүйнөлүк саламаттыкты сактоо уюму каршы пикирин билдирген. Эркектер менен аялдардын саны жагынан теңсиздик Азербайжан, Армения өлкөлөрүндө да байкалат. Бириккен Улуттар Уюмунун божомолу боюнча, 2030-жылы Кытай менен Индияда 20 жаштан 49 жашка чейинки 20 миллион аял жетишсиз болот. Мунун кесепети бойдок эркектердин көбөйүүсүнө алып келет.
"Айрым өлкөлөрдө баланын жынысын түйүлдүк кезинде аныктоо мыйзамсыз деп эсептелсе, айрым мамлекеттер жынысына карап бойдон алдырууга тыюу салган. Аялдар кыз төрөп үй-бүлөдөгү зомбулукка кабылбаш үчүн, күйөөсүнүн кетип калуусунан чочулап мындай тыюуларга баш ийбей келет. Азырынча Азия өлкөлөрүнүн ичинде Түштүк Кореяда уул балага артыкчылык берүү адаты түшүндүрүү иштеринин жүргүзүлүүсү, мыйзам талаптарынын негизинде жоюлган деп эсептелет", - деп жазылат маалыматта.

Булак: super.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83