www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Дагестанда Москвада чабуул уюштурууга шектелгендер кармалды

Гүлжан Шерипбаева 31-декабрь 2016, 17:42

Коом


Дагестанда Москвада чабуул уюштурууга шектелгендер кармалды
Жаңы жылдык майрамдарда Москвада террордук чабуул уюштурууга даярдык көрүп жаткан деген шек менен жети киши кармалды. Бул тууралуу Орусиянын Федералдык коопсуздук кызматы (ФСБ) билдирди. Шектүүлөр Сириядагы «Ислам мамлекети» экстремисттик тобунун көрсөтмөсү менен иштешкен деп болжолдонууда.
Орусия ФСБсынын маалыматы боюнча шектүүлөр Дагестандын аймагында кармалышкан. Болжолдуу түрдө алар ок атуу куралдарын жана жардыргыч заттарды пайдалануу менен адамдар көп топтолгон жерлерге чабуул коюуну көздөшкөн.

Буга чейин исламчыл көтөрүлүшчүлөр Дагестанда полиция кызматкерлерине жана расмий адамдарга кол салууларды уюштурган. Алардын айрымдары ИМ тобуна кызмат кылууга ант бергендер. 2015-жылдын сентябрында Орусия Сирия президенти Башар Асадды колдоп, өлкөдө аба соккуларын жасоо өнөктүгүн баштаган. Жооп катары Сириядагы ИМ тобунун лидерлери Орусияда чабуулдарды уюштура тургандыктарын убадалашкан.

Орус бийлигинин маалыматы боюнча Асаддын бийлигин кулатууну көздөгөн исламчыл көтөрүлүшчүлөрдүн катарына кошулуу үчүн Орусиядан жана Борбор Азия өлкөлөрүнөн Сирияга баргандар миңдеп саналат.

Жаңы жылдык майрамдар маалында коопсуздукту камсыздоо максатында Москва бийлиги адамдар көп топтолчу жерлерде коопсуздук чараларын күчөтүүнү пландап жатат.

Булак: Борбор Азия жаңылыктары

Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83