Бүгүн белгилүү саясатчы Камчыбек Кыдыршаевич Ташиевдин туулган күнү. Камчыбек Ташиев 1968-жылы 27-сентябрда Жалал-Абад облусунун Барпы айылында туулган. Томск мамлекеттик университети менен Кыргыз мамлекеттик улуттук университетин аяктаган.

Эмгек жолу:

• 1993-1995 — Жалал-Абад облусунун Сузак районундагы айыл-чарба продукцияларын даярдоочу өндүрүш фирмасынын директору;
• 1995 — өнөр жай-коммерциялык фирмасынын башкы директору;
• 2000-2002 — айыл-чарба кооперативинин башкармалыгынын төрагасы;
• 2002-2003 — КР өкмөтүнүн аппарат жетекчисинин жардамчысы;
• 2003-2005 — Бишкек шаарынын Ленин райондук акимиатынын башчысынын биринчи орун басары, орун басары;
• 2005-2007 —Жогорку Кеңештин депутаты;
• 2007 — КР Өзгөчө кырдаалдар министри;
• 2010-2013 — Жогорку Кеңештин депутаты;
• 2012-2013 — Жогорку Кеңештин экономика тармагын өнүктүрүү комитетинин мүчөсү.

Камчыбек Ташиевдин 2013-жылы парламенттин темир торунун секиргени элдин эсинде калган. Ал эми 2015-жылы "Өнүгүү — Прогресс" саясий партиясынан депутаттыкка талапкер Абдыманап Абдыбахаповду сабады делип, БШК анын талапкерлигин алып салган. Андан сырткары, мушташ боюнча бейбашчылык беренеси менен кылмыш иши козголгон. Жакында эле ал өзүнүн президенттикке талапкерлигин алып салган. 

Ошентип, Камчыбек Кыдыршаевичтин 49 жашка чыгып жатканы менен Сооронбай Жээнбеков өзү куттуктап, ак калпагын жана ак чепкенин кийгизгени турат!

Белгилүү саясатчыны да биздин чыгармачыл жамаат чын жүрөктөн куттуктайт. Бекем ден соолук, ишиңизге албан-албан ийгиликтерди каалайбыз!

Булак: NazarNews.kg