www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Санкт-Петербургда өлтүрүлгөн 11 жаштагы кыргызстандык баланын өлүмүнүн чоо жайы аныкталды

Перизат Кутманалиева 28-февраль 2018, 19:01

Миграция


Санкт-Петербургда өлтүрүлгөн 11 жаштагы кыргызстандык баланын өлүмүнүн чоо жайы аныкталды

Россиянын Санкт-Петербург шаарында өлтүрүлгөн 11 жаштагы Салмон Мадумаровдун апасы камактан бошотулду. Бул тууралуу россиялык жалпыга маалымдоо каражаттары жазып чыкты.

Жергиликтүү басылмалардын маалыматына караганда, 5-февралда каза болгон баланын апасы — 39 жаштагы Н.Мунавар адам өлтүрүү беренесинин негизинде козголгон кылмыш иштин алкагында камакка алынган. 16-февраль күнү тергөөчүлөр аны камактан бошотуу боюнча сотко өтүнүч кат жолдошту.

«Полиция кызматкерлери анын 26-январь күнү футбол ойноо үчүн сыртка чыгып, дайынсыз болгон 11 жаштагы уулунун жоголушуна катыштыгы бар болушу мүмкүн экенин божомолдоп жатышкан», - деп айтылат маалыматта.

Бирок Н.Мунавар камалгандан кийин анын күйөө баласы Д.Жалилов баланы өлтүрүп, денесин катып койгонун мойнуна алган болчу.

Буга чейин АКИpress агенттиги ИИМге шилтеме берүү менен Санкт-Петербург шаарында 11 жаштагы кыргызстандык баланын денеси табылганын билдирген.

Маалыматка караганда, каза болгон бала Россияга апасы экөө болжол менен 1 ай мурун келген. Анын жоголгондугу тууралуу арыз атасынан — Кыргызстандын 41 жаштагы жаранынан 26-январь күнү кечинде түшкөн. Ал кичи автобустун айдоочусу болуп иштейт. 28-январь күнү Санкт-Петербургдун тергөө комитети 11 жаштагы баланын жоголуусу боюнча Россия Федерациясынын Кылмыш-жаза кодексинин 105-беренесинин (адам өлтүрүү) негизинде кылмыш иш козгогон.

Москва райондук соту 5-февралда тергөө комитетинин өтүнүчүн канааттандырып, баланын 39 жаштагы энеси жана анын 23 жаштагы күйөө баласы камакка алынган. Буга чейин 11 жаштагы баланын жүргөн жери белгисиз болуп жаткан.

Россиянын ички иштер министрлиги уюшкан кылмыштуулукка каршы күрөшүү координациясы жана Кыргызстандын ИИМнин Россиядагы өкүлчүлү менен бирге кылмыштын бетин ачуу үчүн ыкчам издөө иш-чараларын жүргүздү. Анын жыйынтыгында 6-февраль күнү жоголгон бала өлтүрүлгөнү аныкталып, денеси табылган. Алдын ала маалыматтарга караганда, баланы муунтуп өлтүрүшкөн.

Аталган оор кылмышты жасоого Кыргызстандын 1995-жылы туулган жараны (Ош шаарынын тургуну) Ж.Д. шектелип жатат. Кармалган жигит көз жумган баланын ата-энесинин күйөө баласы экени такталды. Шектүү аны өлтүргөндөн кийин денени унаа менен «Купчино» метросунун артындагы ээн жерге алып барган.

Буга чейин Санкт-Петербург шаарында өзүнүн баласын өлтүрүүгө шектелип 39 жаштагы кыргызстандык аял кармалганын «Фонтанка.ру» басылмасы жазып чыккан.

Булак: "turmush.kg"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83