www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Өмүрбек Текебаев эки айга камалды

Айдар Нуралиев 27-февраль 2017, 23:41

Саясат


Өмүрбек Текебаев эки айга камалды

"Ата-Мекен" фракциясынын лидери Өмүрбек Текебаев эки айга камалды. Саясатчыны УКМКнын убактылуу жайында кармоо боюнча чечимди сот 27-февраль күнү чыгарды.

Бул тууралуу “Ата Мекен” фракциясынын мүчөсү Каныбек Иманалиев билдирди:

- Биринчи Май райондук соту Өмүрбек Текебаевди эки айга камоо боюнча чечим чыгарыптыр. Биз бул маселени эртең парламенттин жыйынына алып чыгабыз. Текебаев менен чогуу иштешип келген депутаттарга адилет сөзүңөрдү айткыла деп айтабыз. 28-февралда болсо биздин мөөнөтсүз митинг УКМК алдында уланат.

Бул арада Европа Коопсуздук Кызматташтык Уюмунун Парламенттик ассамблеясы оппозициячыл депутат Өмүрбек Текебаевдин кармалышы боюнча жагдайга өтө жакындан көз салып жатканын кабарлады.

“Ата Мекен” партиясынын лидери Өмүрбек Текебаев 26-февралда саат үчтө “Манас” аэропортунан кармалып, камакка алынган.

25-февралда Башкы прокуратура “Ата Мекен” фракциясынын лидери Өмүрбек Текебаевге Кылмыш-жаза кодексинин “коррупция” жана “алдамчылык” беренелери боюнча УКМКдан келген материалдардын негизинде иш козгоду.

Башкы көзөмөл органдын маалыматында Текебаев орусиялык жаран Леонид Маевскийден 2010-жылы бир млн доллар алып, “Мегаком” сатылгандан кийин каражатты кошумчасы менен кайтарып берерин айткан. Бирок “Мегаком” сатылбай калып, Текебаев орус жаранына акчаны бербей койгон.

Текебаев өзүнө карата козголгон иш күтүлгөнүн, УКМК тарабынан атайын пландалганын билдирген.

Булак: "centralasian.org"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83