www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Интернетте Сапар Исаковду колдогон флешмоб жүрүүдө

Гүлжан Шерипбаева 02-июнь 2018, 12:17

Саясат


Интернетте Сапар Исаковду колдогон флешмоб жүрүүдө

Интернетте айрым социалдык тармактын колдонуучулары мурдагы өкмөт башчы Сапар Исаковду колдогон флешмоб уюштурушту. "Сапар Исаковдон колуңду тарт", "Мен ишенбейм" сыяктуу орусча хэштег менен жазылган билдирүүлөр айрыкча "Фейсбукта" көп жазылып, Исаков күнөөсүз деген тариздеги билдирүүлөр жазылууда. Бул тууралуу маалыматты Азаттык билдирди.

29-майда Сапар Исаковго Бишкектин Жылуулук электр борборуна байланышкан (ЖЭБ) кылмыш ишинин алкагында айыбы угузулду. Ал "Президенттик аппараттын бөлүм башчысы болуп турган кезинде коррупцияга жол берген" деп айыпталууда. Мурдагы премьердин бөгөт чарасы катары андан эч жакка кетпей тургандыгы тууралуу тил кат алынган.

41 жаштагы Сапар Исаков - экс-президент Алмазбек Атамбаевдин эң жакын үзөңгүлөштөрүнүн бири. Атамбаев өлкө башында кезде президенттик аппараттын тышкы саясат бөлүмүнүн башчысы, аппараттын жетекчиси болуп, 2017-жылы премьер-министрликти аркалаган.

Быйыл апрелде парламент Исаковду ишеним көрсөтпөө жолу менен өкмөт башчылыктан кетирген.

Сапар Исаков өзүнө карата айыптоолорду саясат менен байланыштырып, куугунтук деп сыпаттап келүүдө.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83