www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Гүлнара Каримовага пара берүүгө айыпталгандардын соту башталат

Перизат Кутманалиева 22-август 2018, 18:18

Борбордук Азия жаңылыктары


Гүлнара Каримовага пара берүүгө айыпталгандардын соту башталат

4-сентябрда Стокгольмдо Telia (TeliaSonera) компаниясынын мурдагы башкаруучуларына козголгон кылмыш иши боюнча сот жараяны башталат. Алар Өзбектандын биринчи президентинин кызы Гүлнара Каримовага 350 миллион АКШ доллары өлчөмүндө пара берүүгө айыпталууда.

Өзбекстан прокуратурасы, АКШ жана бир катар Европа өлкөлөрү тарабынан телекоммуникациялык компаниялардан миллиондогон доллар пара алууга айыпталган Гүлнара Каримова менен анын шериктери швед сотунун отурумуна катышпайт.

Соттук отурумдун алгачкы күнүндө прокурорлор айыптоочу бүтүмдү окушат, айыпталуучулардын адвокаттары ага карата жооп берет.

Андан соң сот тыныгуу жарыялап, жараян 19-21-сентябрда уланат. Бул күндөрү айыпталуучулар – 2003-2007-жылдары Telia компаниясынын каржы директору жана вице-президенти болгон Теро Кивисаари, мурдагы аткаруучу директор Ларс Нюберг жана евразиялык бизнес-багыттын башкы кеңешчиси Ули Туима суралат.

Швециянын Башкы прокуратурасы бул үчөөнү тең Telia компаниясынын Өзбекстанда иштөөсү үчүн Гүлнара Каримовага 350 миллион доллар пара берген деп айыптоодо.

Булак: "centralasian.org"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83