www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Казакстан кыргыз-казак чек арасындагы эки өткөрмө бекеттин макамын өзгөртүүгө даяр

Кызгалдак Жакыпова 23-август 2018, 14:19

Борбордук Азия жаңылыктары


Казакстан кыргыз-казак чек арасындагы эки өткөрмө бекеттин макамын өзгөртүүгө даяр

Казакстан өкмөтү Кыргызстан менен чек арадагы «Сартобе» («Токмок») жана «Аухатты» («Кеңбулуң») чек ара бекеттеринин макамын эки тараптуудан көп тараптууга өзгөртүүгө даяр. Бул тууралуу өлкөнүн премьер-министри Бакытжан Сагинтаев 17-августта Астанада өткөн кыргыз-казак өкмөттөр аралык кеңештин VII жыйынында билдирди.

Анын айтымында, мындай сунуш кыргыз тараптан айтылган.

«Бул алардын өткөрүү мүмкүндүгүн жогорулатууга шарт түзөт. Ошол эле маалда биз бул чечимди ишке ашыруу — чек ара бекеттердин инфраструктурасын кошумча модернизациялоону талап кыла турганын жакшы түшүнүп турабыз. Чек аранын сапаттуу ишин камсыздоо приоритеттүү маселелердин бири болуп эсептелет», — деди Сагинтаев.

Кыргызстан менен Казакстандын чек арасында 4 эл аралык жана 4 эки тараптуу көзөмөл-өткөрмө бекет иштейт. Алар аркылуу күн сайын 30 миңге жакын киши чек арадан өтүп турат.

Өткөрмө бекеттердин эң ириси күн сайын 12 миңге жакын адам жана 500-600 даана транспорт каражаты өткөн «Ак-Жол» бекети эсептелет.

Туристтик мезгилде чек арадан өткөн адамдардын саны бир күндө 70 миңге чейин жетет.

Булак: "centralasian.org"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83