www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Азербайжандын ЖККУга кошулушу каралса, Армения каршы чыгат

Кызгалдак Жакыпова 29-август 2018, 19:37

Борбордук Азия жаңылыктары


Азербайжандын ЖККУга кошулушу каралса, Армения каршы чыгат

Азербайжандын Жамааттык Коопсуздук Келишим Уюмуна (ЖККУ) кирүү маселеси каралса, Армения вето укугунан пайдаланат. Бул тууралуу Еревандан Армениянын Тышкы иштер министрлигинин расмий өкүлү Анна Нагдалян билдиргенин “Эркин Европа/Азаттык” радиосунун армян кызматы кабарлады. 

Азербайжандын ЖККУга мүчөлүгү боюнча маселени кийинки күндөрү Орусия менен Азербайжандын маалымат каражаттары, эки өлкөнүн парламент депутаттары, эксперттик жамааты талкуулоодо. Мындай талкуулар Орусия менен Азербайжандын саясий эле эмес, аскердик-техникалык кызматташтыгынын ыргагы жылдан-жылга күчөгөн шартта жүрүп жатат.

Орусия менен катар Беларусь да Азербайжанга куралды эң көп саткан өлкө болуп эсептелет.

Тынчтыкты изилдөө боюнча Стокгольмдогу институттун (SIPRI) быйыл мартта чыккан соңку баяндамасына караганда, акыркы беш жылда Азербайжан импорттогон куралдын 65% орусиялык өндүрүштөн чыккан.

Быйыл июнда болсо Беларусь Азербайжанга “Полонез” реактивдик системасын сатканы ачыкка чыккан. Анын ракеталары 200 чакырымга чейин жетет. Беларусь менен Азербайжандын ортосундагы бул курал соодасын расмий Ереван дароо сынга алган.

ЖККУнун курамында Армения, Орусия, Беларусь, Казакстан, Кыргызстан, Тажикстан бар. Уюмдун уставы боюнча анын алкагындагы чечимдер консенсус жолу менен кабыл алынышы керек жана ар бир өлкө жаңы мамлекеттин мүчө болушуна каршы чыгып, вето кое алат - деп билдирди Азаттык.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83