www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Режеп Тайып Эрдоган: Түркия бизнесмендеринде Кыргызстандын экономикасына ийгиликтүү инвестиция салуу мүмкүнчүлүгү бар

Кызгалдак Жакыпова 02-сентябрь 2018, 13:25

Саясат Дүйнө жүзүндө


 Режеп Тайып Эрдоган: Түркия бизнесмендеринде Кыргызстандын экономикасына ийгиликтүү инвестиция салуу мүмкүнчүлүгү бар

Түркия  Республикасынын Президенти Режеп Тайып Эрдоган бүгүн, 2-сентябрда Кыргыз Республикасынын Президенти Сооронбай Жээнбеков менен бирге Бишкек шаарында кыргыз-түрк бизнес-форумуна катышты.

Түркия Президенти Кыргызстанда эки күндүк расмий визит менен жүрөт.

Түркия Президенти Режеп Тайып Эрдоган жылуу кабыл алганы үчүн Президентке жана кыргыз элине ыраазычылык билдирип, болуп өткөн жолугушуулар эки тараптуу мамилелердеги тарыхый окуя экенин жана эки мамлекеттин достугунун жана кызматташтыгынын тарыхынын жаңы барагын ача турганын белгиледи.

Ал түркиялык бизнесмендер Кыргызстандын экономикасынын өнүгүшүнө маанилүү салым кошооруна ишеним билдирди. Аларды кыргыз кесиптештери менен активдүүрөөк кызматташууга чакырды.

Президент Режеп Тайып Эрдоган транспорттук-авиациялык инфраструктураны жакшыртууга, ошондой эле туризм, билим берүү, саламаттык сактоо сыяктуу чөйрөлөргө түркиялык бизнесмендердин көңүлүн бурду.

Ошону менен бирге ал түркиялык бизнесмендер Кыргызстанда жигердүү иштешип, жаңы жумуш орундарын түзүп жатышканын эске салды.

Президент Режеп Тайып Эрдоган доллардын Түркиянын экономикасына тийгизип жаткан таасирин белгилеп, ошону менен бирге Түркия өз валютасын колдонуу менен Кытай жана Россия менен соода-экономикалык кызматташтыкты активдештирип жатканын баса белгиледи жана ушундай эле мүмкүнчүлүктөрдү Кыргызстан менен кызматташтыкта да карап көрүүгө чакырды.

Түркия лидери чет өлкөлүк инвестицияларды коргоого даяр экендиги тууралуу Президент Сооронбай Жээнбековдун сөздөрүн канааттануу менен белгиледи жана Түркиянын ишкерлери Кыргызстандын экономикасына инвестиция салышарына ишендирди.

Ал кечээ, 1-сентябрда сүйлөшүүлөрдүн жыйынтыгы боюнча 12 документке кол коюлганын, бул эки өлкөнүн кызматташтыкты мындан ары карай өнүктүрүүгө умтулуусунун көрсөткүчү экенин эске салды.

Режеп Тайып Эрдоган Кыргызстан боордош өлкө экенин, Түркиянын бул өлкө менен өзгөчө, достук мамилелери бар экенин баса белгиледи.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83