www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Сооронбай Жээнбеков: "Себаттын" ордуна “Маариф” келет

Кызгалдак Жакыпова 03-сентябрь 2018, 10:53

Борбордук Азия жаңылыктары Дүйнө жүзүндө Саясат


Сооронбай Жээнбеков: "Себаттын" ордуна “Маариф” келет

Кыргызстанда Түркиянын “Маариф” фондунун билим берүү мекемелери ачылат. Сооронбай Жээнбеков менен Режеп Тайип Эрдогандын жолугушуусунда бул маселе талкууланды. Эки лидердин 1-сентябрдагы жолугушуусунан соң Сооронбай Жээнбеков Кыргызстан “Маариф” фонду менен кызматташаарын жарыялады. Бул боюнча эки тараптуу келишимге кол коюлушу күтүлүүдө.

Буга чейин түрк бийлиги Кыргызстандагы “Сапат” (мурунку “Себат”) билим берүү мекемелерине альтернатива катары “Маариф” фондун сунуштаган. Анткени, “Себаттын” мектептери Түркияда экстремист катары жарыяланган Фетхуллах Гюленге таандык болуп эсептелет. Гюленди түрк бийлиги 2016-жылдагы төңкөрүш аракеттерин уюштуруучу катары белгилеп, мамлекеттик түзүлүштү кулатууга аракеттенген деп айыптап келет.

Анкаранын “Себатты” Кыргызстандын аймагынан жоюу жөнүндө 2016-жылы Алмазбек Атамбаевге айткан сунуштары четке кагылган. Бул сунуштан баш тарткан кыргыз бийлиги ойноок саясат жасап, “Себаттын” атын “Сапат” деп өзгөртүп, мамлекеттин карамагына алганын жарыялаган.

Бирок, Атамбаевдин бул саясаты Түркиянын көңүлүн сындырып, “Сапат-Себатка” болгон мамилеси өзгөрүүсүз калган. Анткени, расмий Бишкектин жогорудагыдай формалдуу кубулма саясатына карабай “Сапат-Себаттын” Гюленге болгон көз карандылыгы сакталып калган. Мындан тышкары, “Себаттын” миңдеген бүтүрүүчүлөрү кыргыз бийлигинин бардык тармактары менен тепкичтерине жайгашып алышкандыктан, алардын кыргыз саясатына болгон таасири жана Түркиянын Кыргызстандагы ролуна каршылык көрсөтүү аракеттерин барган сайын күчөтүп келет.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83