www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Ата-энелер жоолукчан кыздарынын мектепке киргизилишин талап кылууда

Кызгалдак Жакыпова 06-сентябрь 2018, 10:21

Борбордук Азия жаңылыктары


Ата-энелер жоолукчан кыздарынын мектепке киргизилишин талап кылууда

Түркстан облусунун Фирдауси айылындагы орто мектепке жоолукчан кыздар үч күндөн бери сабакка киргизилбей жатат. 5-сентябрда алар ата-энелери менен бирге окуу жайдын алдына чогулушуп, мектепке киргизүүнү талап кылышууда .

3-сентябрда Фирдаусидеги орто мектепке жоолук салынып келген кыздар сабакка киргизилген эмес. Ондой кызды полиция кызматкерлери жана мектеп жетекчилиги киргизбей жатканы тартылган видео Интернетке жарыяланган.

 

Түркстан облустук билим берүү башкармалыгы да жоолук салынган кыздар мектепке киргизилбей жатканын ырастап, муну "мыйзам баарына бирдей" деген талап менен түшүндүргөн.

4-сентябрда орто мектепке 30 чакты ата-эне чогулуп, жоолукчан кыздардын мектепке киргизилбегенине нааразылык билдиришкен. Ата-энелер башталгыч класстын окуучулары жоолуктарын чечсе боло турганын, бирок жогорку класстагылар үчүн бул мүмкүн эмес экенин билдиришкен. Нааразы болгон ата-энелерге мектеп имаратынан эч ким чыккан эмес.

Түркстан облусунун Мактаарал районунун акими 4-августта бул айылга келип, ата-энелерге түшүндүрүү иштерин жүргүзгөн. Мектептеги абалды изилдөө үчүн атайын комиссия түзүлгөн.

Фирдауси айылындагы хижаб кийген кыздар маселеси былтыр да көтөрүлгөн. Чимкенттен 300 чакырымдай ыраакта жайгашкан бул айылда негизинен тажик улутундагылар жашайт жана мектеп да тажик тилинде. Жергиликтүүлөр окуучулар жоолукту "улуттук каада-салттан улам салынат" деп айтышат.

Булак: "centralasian.org"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83