www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Казакстан Сирия менен Ирактагы жарандарын кайтарууга аракет кылууда

Кызгалдак Жакыпова 12-сентябрь 2018, 16:50

Борбордук Азия жаңылыктары


Казакстан Сирия менен Ирактагы жарандарын кайтарууга аракет кылууда

Казак бийлигинде Сирия менен Иракта жүргөн өлкө жарандары тууралуу маалыматтар бар жана учурда аларды мекенине кайтаруу аракеттери көрүлүүдө. Бул тууралуу өлкөнүн тышкы иштер министринин орун басары Мухтар Тлеуберди журналисттердин суроолоруна жооп берип жатып билдирди.

«Азыр Сирия менен Иракта жүргөн жарандарыбыздын же алардын балдарынын кайсыл жерлерде экенин так аныктоо иштери жүрүп жатат. Аларды мекенине кайтаруу маселеси көтөрүлүүдө» — деди ал.

Министрдин орун басарынын айтымында, издөө иштери менен Казакстандын Иорданиядагы элчилиги жана Ливандагы башкы консулдуктун өкүлдөрү алектенип жатышат. Ал учурда канча казакстандык табылганын тактап айткан жок.

«Сирия менен Ирактын бийликтери террордук ишмердүүлүккө тиешеси барбы-жокпу деп биздин жарандардын көбүн атайын текшерүүдөн өткөрүп жатышат. Алар күнөөлүү эмес деп аныкталса казак тарапка өткөрүп беришет. Көбүнүн балдары дагы бар», — деди Тлеуберди. Ал кошумчалагандай, мындай балдарды Казакстанга алып келүү үчүн алардын ата-энелеринин макулдугу керек. Ошол эле маалда ата-энелери «атайын текшерүүлөр» аяктаганга чейин ал жерлерде калышы зарыл.

Казакстан бийлигинин маалыматына караганда, акыркы бир нече жыл ичинде Сирия менен Иракка жүздөгөн казак жараны кеткен. Учурда алардын саны 800гө жакын жана көбүн балдар түзөт.

Булак: "centralasian.org"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83