www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Дайырбек Орунбеков, журналист: "Келечек муундун мойнуна миллиарддарды илген Атамбаев мактанбай эле койсо!"

Кызгалдак Жакыпова 31-октябрь 2018, 19:30

Саясат


Дайырбек Орунбеков, журналист: "Келечек муундун мойнуна миллиарддарды илген Атамбаев мактанбай эле койсо!"

Президент Сооронбай Жээнбековдун Турцияга болгон иш сапарын экс-президенттин "троллдору" сынга алып, "Атамбаев сапарларында дайыма Кыргызстанга инвестиция алып келчү, Жээнбеков эч нерсе алып келген жок",-деп жазып жатышат.

2011-жылы Кыргызстандын тышкы карызы 2,6 миллиард доллар болчу. Атамбаев президент болуп, ал алып келген "инвестициялардын" жыйынтыгы менен 2017-жылы тышкы карыз эки эсеге көбөйүп, 4,21 миллиард долларга жеткен.

Максим Бакиев 150 миллион долларга бүтүрмөй болуп жаткан долбоорду, Атамбаев жана анын командасы 386 миллион долларга баалап миллиондорду уурдашкан.

Түндүк-түштүк альтернативдүү жолу, Музейди жаңылоо ж.б ири долбоорлорго алынып келинген "инвестициялар" болчу. Мындай чыккынчылык, жеке кызыкчылык менен алынып келинген карыздын канчалык кереги бар эле?!

Атамбаевдин троллдору мактанып жаткан "инвестициялар" максаттуу жумшалган жок. Карызды Атамбаев алды, анын командасы уурдап, бөлүп кетти. Төлөмү кыргыз элине калды. Атамбаевчилер кыргыз элин мойнуна чейин карызга батырып, өздөрү катарлап хан сарай салып алганына мактанышабы?

Карыз алуу азыркы президентке деле кыйынга турбайт. Бирок, алмайдын бермейи бар! "Мен президент болуп турганда карызды каалаганча ала бергиле",-деп ойду келди ойлонбой иш кылган Атамбаевдей кантип болсун? Карызды алып, пайдасын өзү көрүп, келечек муундун мойнуна миллиарддарды илген Атамбаев мактанбай эле койсо!

Дайырбек Орунбеков, журналист

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83