www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Атамбаевдин сунушу менен Надира Сатыгул кызы өлкөдөн чыгып кеткен

Жазгүл Урманбетова 10-январь 2019, 13:08

Саясат


 Атамбаевдин сунушу менен Надира Сатыгул кызы өлкөдөн чыгып кеткен

Алмазбек Атамбаевдин Шайлоо штабынын эсепчиси Надира Сатыгул кызы өлкөдөн чыгып кеткенин алгачкы жолу “Апрель” каналындагы маегинде экс-президент Алмазбек Атамбаев билдирген. Кийин ал коопсуздугунан чочулганы үчүн ушундай кадамга барганын КСДПнын өкүлдөрү да ырастап, бирок кайсы өлкөгө кеткенин айтышкан эмес.

Шаршемби күнү экс-президент Алмазбек Атамбаев 11-январда Индияга эс алууга барары белгилүү болгон. Кундуз Жолдубаева ал партиялык иштерден улам кыска мөөнөткө эс алууга барып келүүнү чечкенин, мында саясат жок экенин белгилеген.

Надира Сатыгул кызы КСДПнын каржы иштери боюнча өкүлү болуп, 2015-жылы парламенттик шайлоодо партия тизмеси менен депутаттыкка да ат салышкан. Кийин анын уулу, БШКнын мүчөсү Адилет Сатыгуловдун да өлкөдөн чыгып кеткени айтылып, бирок, ал бир айдан кийин кайтып келген.

Мунун алдында укук коргоочу Нурбек Токтакунов "президент Сооронбай Жээнбековдун борбордук штабы 2017-жылы президенттик шайлоого жумшаган" деген каражаттарынын тизмесин жарыялаган. Токтакуновдун айтымында, Жээнбековдун шайлоо штабы расмий түрдө Борбордук шайлоо комиссиясына билдиргендей 158 096 175 сом эмес, 1 миллиард 170 265 187 сом жана 6 855 700 доллар иштеткен. Президенттин аппараты муну "фейк" маалымат деп мүнөздөгөн. 

Эске салсак, президент Сооронбай Жээнбеков Надира Сатыгул кызынын өлкөгө кайра кайтып келип, баарын айтып берүүсүн былтыр Басма сөз жыйынында айткан.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83