Президент Сооронбай Жээнбеков жүк ташуучу учактын кулашынан улам адам өлүмүнө байланыштуу, Иран президенти Хасан Роуханиге көңүл айтты. Бул тууралуу өлкө башчынын маалымат кызматы кабарлады.

Эскерте кетсек, 14-январь күнү Бишкектен саат 7.16да учуп кеткен аба кемеси Тегерандын жанындагы Карадж шаарында кулаган. Башка аэропортко конууга аракет кылган учкуч рулга ээ боло албай, учуп-конуу тилкесинен чыгып кеткен да, эл жашаган аймакка сүрүлүп барган. Кийинчерээк учактын ичиндеги 16 кишинин бирөө гана аман калганы айтылган.

Белгилей кетсек, учактагы жүк "Навидист" ЖЧКсына тиешелүү болгон.

Булак: NazarNews.kg