www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Президент Сооронбай Жээнбеков Түркия Республикасынын парламентинин депутаттары менен жолугушту

Кызгалдак Жакыпова 22-январь 2019, 08:27

Расмий кабарлар


Президент Сооронбай Жээнбеков Түркия Республикасынын парламентинин депутаттары менен жолугушту

Үстүбүздөгү жылдын 21-январь күнү Кыргыз Республикасынын Президенти Сооронбай Жээнбеков Түркия Республикасынын парламентинин депутаттары Джевдет Йылмаз жана  Лютфи Элванды кабыл алды. Президенттик Аппараттын тараткан расмий маалыматтарына ылайык, бул жолугушууда 2018-жылдын сентябрь айында Бишкекте болуп өткөн Кыргызстан-Түркия жогорку жетекчилеринин стратегиялык кызматташуу боюнча кеңешинде макулдашылган маселелерди ишке ашыруу жумушу талкууланды.  Бул талкууланган маселелердин негизгилери болуп соода-экономикалык байланыштарды өнүктүрүү, инвестицияларды тартуу, маданий жана билим берүү тармагындагы интеграциялык долбоорлорду алгылыктуу ишке ашыруу каралган.

Жолугушуунун жүрүшүндө Сооронбай Жээнбеков, кыргыз-түрк калктары бир тууган элдер экендигин жана кызматташуунун негизги багыты экономикалык сектордо ишке ашуусу учурдун талабына ылайык болоорун белгиледи. Өз кезегинде Түркия Республикасынын парламентинин депутаттары Джевдет Йылмаз жана  Лютфи Элван мырзалар 2019-жылдын ичинде жогорку жетекчилик тарабынан кабыл алынган кызматташуу пландары өз убакыт-мөөнөттөрүндө ишке ашырыла тургандыгына ишенишээрин билдиришти.  

Натыйжада, Кыргызстанда Түркиянын Маариф Фондунун кеңсесин ачуу жана пилоттук негизде бир мектебин уюштуруп, күзгү окуу жылына ишке киргизүү, түрк ишкерлерин Кыргызстан экономикасына инвестиция салуусу үчүн жер жерлерде бизнес форумдарды өткөрүү жана аларга колдоо көрсөтүү, тармактык министирликтердин арасында кызматташууну бекемдөө, айрыкча коргоо министирлиги, социалдык коргоо жана өзгөчө кырдаалдар боюнча министирликтердин ортосунда натыйжалуу иш алып баруу милдеттери каралды. 

Жолугушуунун соңунда Түркиялык меймандар кыргыз элинин жылуу кабыл алган меймандостугуна жана бир туугандыгына терең ыраазычылык билдиришип, Ала-Тоо эли менен Анадолу элинин достугу миң жылдык экендигин белгилешти.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83