www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
"Азия Ньюс": "Редакция Ахматбек Келдибековдун аброюна шек келтирген материалдарды толугу менен төгүндөп, жокко чыгарат"

Кызгалдак Жакыпова 28-февраль 2019, 14:38

Саясат


"Азия Ньюс": "Редакция Ахматбек Келдибековдун аброюна шек келтирген материалдарды толугу менен төгүндөп, жокко чыгарат"

«Азия Ньюс» гезитинин 2018-жылдын 12-апрелиндеги санында «Ахматбек Келдибеков «Кара-Суу» чайканасынан Молдомуса Конгантиевден кагуу жеди» деген материал жарык көргөн. Анда «Келдибеков «Кара-Суу» чайканасынан Конгантиевден кагуу жеди. Кызып алган Ахмат жула сүйлөйт. Аңгыча Молдомуса аке чыдабай «Ахмат, эмне деп сүйлөп атасың? Алымбек датканын ордуулук, антип айтпа! Этекке жабышпа, уят болосуң! Тарых-санжыраны биз да билебиз» дейт. Аңгыча эле ызаланган Келдибеков опурула «Алайдан чыккан Данияр Абдыкаров деген жигитибиз ИИМдин орун басары болуп отурат, эми министр кылабыз!» дейт. «Ахмат, сен сыймыктанган Даниярды мен убагында Таласка УВДнын орун басары кылгам. Мына, Пармаш экөөбүз аны көтөргөнбүз. Бирок, көчүккө суу куйгандай кылып сатып кетти. Мен турганда Данияр эч качан министр болбойт!» деп Конгантиев ызырынып, сиркеси суу көтөрбөй диртилдеп алыптыр. Кыскасы, аягында Ахматтын аңкоолугуна отургандар нааразы болушуп, күңкүлдөгөн маанайда тарап кетишиптир».

Бул окуяны сыпаттаган макалада «Ахматтын аңкоолугуна отургандар нааразы болушуп, күңкүлдөгөн маанайда тарап кетишиптир» деген сөздөр чындыкка дал келбейт.

Гезиттин 2017-жылдын 27-сентябрында №39 санына чыккан «Ахматбек Келдибековдун саясый абалы оор болуп турат» деген материалды «Ахматбек Келдибеков жакшы эле Камчыкени ээрчип, Сокени колдоп чыгууга ниет кылса да, негедир жолу ачылбаганын айтышууда. Себеби, «духовный лидер» баш чайкап, «Келдибековду жолотпогула!» деген тапшырма бергенби, айтор, ушул күндөрү Ахмат мырзага оор болуп турат, абалын сурагандар барбы?» деген сөздөр негизсиз экенин белгилейбиз.

2017-жылдын 10-августунда гезитке «Төртилик», «бешилик» деген че за х… ? » деген макалада келтирилген материалдар да жокко чыгарылат.

2017-жылдын 14-июнунда гезитке «Чалажан арстандын мурдуна чыгып ойногон келемиштин образын чагылдырууда» деген материалдагы өтмө маанидеги салыштыруулар, синонимдер, эпитеттерди редакция төгүндөйт.

Редакция саясатчы Ахматбек Келдибековдун аброюна, кадыр-баркына, ар-намысына, ишкердик беделине шек келтирген жогорудагы макалалардагы материалдарды толугу менен төгүндөп, жокко чыгарарын билдирет.

Булак: "Азия ньюс"


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83