www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Президент Сооронбай Жээнбеков дүйнө чемпиону Валентина Шевченко менен жолугушту

Айдар Нуралиев 08-апрель 2019, 13:55

Расмий кабарлар


Президент Сооронбай Жээнбеков дүйнө чемпиону Валентина Шевченко менен жолугушту

Кыргыз Республикасынын Президенти Сооронбай Жээнбеков бүгүн, 8-апрелде, UFC версиясынын аралаш күрөшүү боюнча дүйнө чемпиону Валентина Шевченко менен жолугушту.

Жолугушууга ошондой эле анын машыктыруучусу Павел Федотов, «Кулатуу Эртаймаш ММА» Дүйнөлүк федерациясынын президенти Руслан Кыдырмышев жана Валентина Шевченконун апасы — Елена Шевченко катышты.

Мамлекет башчысы меймандарды жылуу кабыл алып, Валентинаны жеңиши менен жана аялдардын эң жеңил салмагында чемпиондук курду жеңип алышы менен куттуктады.

Президент Сооронбай Жээнбеков машыктыруучу Павел Федотовго спортчуларды даярдоо чеберчилигинин эң жогорку деңгээли, туруктуулугу, машыктыруучулук таланты жана өз тарбиялануучуларына терең ишенгендиги үчүн ыраазычылык билдирди.

Өзгөчө ыраазычылыкты Кыргызстанга дүйнөнүн көп жолку чемпионкасын тартуулап, өз колдоосу жана ишеними менен спорт дүйнөсүндөгү жеңиштердин туу чокусуна жеткирген апасы Елена Шевченкого билдирди.

«Бүт өлкө, биздин жүз миңдеген жарандар сиздин спорттук ийгиликтериңерге тынымсыз байкоо салып, жалындуу күйөрман болушууда. Таза жана татаал күрөштө жеңген медалдарыңар биздин көп улуттуу өлкө үчүн өзгөчө баалуу. Мунун артында көп жылдык эмгек турат. Алдыга коюлган милдетти аткардыңар, Кыргызстаныбыздын намысын коргодуңар. Келечекте мындан да чоң ийиликтерге жетишип, бүт дүйнөгө спорттогу эң мыкты жетишкендиктерди көрсөтөсүз деген ишенимдебиз!», — деп белгиледи Сооронбай Жээнбеков, спортсменкага кайрылып.

Валентина Шевченко Президент Сооронбай Жээнбековго жана бардык кыргызстандыктарга колдоосу жана жылуу тосуп алуусу үчүн ыраазычылык билдирип, кайда гана болбосун ар дайым күч-кубат жана жеңишке болгон ишеним берип турган мекендештердин жалындуу колдоосун сезип турганын белгиледи.

Мекенге, өзгөчө Кыргызстандын бермети Ысык-Көлгө болгон сүйүүсү дайым анын жүрөгүндө орун алганын баса белгиледи.

Президент Сооронбай Жээнбеков Валентина Шевченкону жыл сайын Ысык-Көлгө машыгуу үчүн келүүгө чакырды жана спорттук ишмердигинде мындан аркы ийгиликтерди, бекем ден соолук, бакубаттык каалады.

Мамлекет башчысы Валентина Шевченкону «Даңк» ордени менен сыйлады, Павел Федотовго «Кыргыз Республикасынын дене тарбиясына жана спортуна эмгек сиңирген кызматкер» ардактуу наамы ыйгарылды, Руслан Кыдырмышев жана Елена Шевченко Кыргыз Республикасынын энчилүү сааттары менен сыйланышты.

Коноктор Мамлекет башчысына символикалуу белектерди тапшырышты, алардын бирине — кол капка Президент Сооронбай Жээнбеков автограф калтырды.

Бул маалымат тууралуу ЖК басма сөз кызматы билдирди.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83