www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Монголия президенти Чыгыш менен байланыштырган соода темир жолун куруу ниетин билдирди

Айдар Нуралиев 12-июнь 2019, 15:11

Саясат


Монголия президенти Чыгыш менен байланыштырган соода темир жолун куруу ниетин билдирди

Монголия Президенти Халтмаагийн Баттулганын расмий визитинин алкагында бүгүн, 12-июнда Кыргыз Республикасынын Президенти Сооронбай Жээнбеков менен расмий жолугушуу аземи болду.

«Ала-Арча» мамлекеттик резиденциясында чет элдик мамлекеттердин башчыларынын жана делегацияларынын салтанаттуу жолугушуусун өткөрүү үчүн «Ак-Кеме» салтанат жайында Кыргызстандын жана Монголиянын мамлекеттик желектери илинип, Ардактуу кароол тизилген.

Мамлекет башчылары Ардактуу кароолду кыдырып чыгышты жана расмий делегациялардын мүчөлөрү тааныштырылды. Андан соң учурашуу аземинен кийин Кыргызстандын жана Монголиянын Президенттери кеңири курамдагы жолугушууга багыт алышты.

Кеңири курамдагы жолугушуунун жыйынтыгы боюнча эки тараптуу бир катар документтерге кол коюлушу күтүлүүдө.

Ошондой эле Кыргызстанга расмий визиттин алкагында Монголия Президенти Халтмаагийн Баттулганын Жогорку Кеңештин Төрагасы Дастанбек Жумабеков жана Премьер-министр Мухаммедкалый Абылгазиев менен жолугушуусу күтүлүүдө.

Мындан тышкары, Монголия Президентинин катышуусу менен Монголиянын Кыргыз Республикасындагы Элчилигинин ачылышы болот.

Монголия лидери “Көчмөндөр оюндарынын” 5-айлампасын Монголияда өткөрүүнү сунуштады.

Андан тышкары, Халтмаагийн Баттулга, Синьцзянь-Уйгур автономдуу округу менен Монголиянын бир айылынын байланыштырган темир жолу салынып жаткандыгын билдирди. Ал, Кыргызстанда “чыгыштын чоң соодасына чыгуу каалагассы ачылышы үчүн” аталган темир жолу кыргыз-кытай чек арасына чейин созулушун кааларын билдирди.

“Монголия менен Кыргызстандын соода жүргүзүүсү болгону 1 миллион долларды түзөт, биз соода – экономикалык кызматташтыкты өнүктүрүүгө салым кошуубуз керек”, - деп айтты отурумда Баттулга.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83