www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Нурланбек Шакиев, коомдук ишмер: “Атамбаев кысчу жерин кысып отурсун!”

Кызгалдак Жакыпова 12-июнь 2019, 18:12

Саясат Маек


Нурланбек Шакиев, коомдук ишмер: “Атамбаев кысчу жерин кысып отурсун!”

– Чүй облусунун губернатору Туйгуналы Абдраимов кызматтан алынды. Аны журналистке жасаган кылыгы үчүн эле алыштыбы?

– Премьер-министр Туйгуналы Абдраимовдун кылыгына өзүнүн баасын бербедиби, “аткаруу бийлигинин абройуна көлөкө түшүрдү”, – деп айтты. Мындан артык дагы кандай баа болот? Абдраимовду дароо, токтоосуз түрдө кызматтан алып, анан ушул билдирүүсүн жарыя кылса болмок. Бирок, бир аз кечиксе да, акыйкат чечим кабыл алды. Туйгуналы мырзаны кызматтан аларды журналистке байланыштуу чыр шылтоо болду. Себеби, анын катачылыктары акыркы кезде кадам сайын кайталана баштаган.

Негизи эле, Абылгазиевдин өкмөтүнүн курамы, кадр саясаты башынан эле туура эмес түптөлүп, элдин нааразычылыгын жаратып келген. Аткаруу бийлигинин, мамлекеттик кызматтын кадыр-баркын күн сайын түшүрүп жатат. Кыргыз эли Абылгазиевдин өзүн да эчак эле өкмөт башчылыгынан кетирип койгон, бирок ал отурат. Дагы ушундай жоруктар улана берчү болсо, мамлекеттик кызматтын кадырын толугу менен нөлгө түшүрүшөт.

– 8-июнда Атамбаев баштаган КСДП митинг өткөрдү. Андагы экс-президенттин билдирүүсүнөн чындык таба алдыңызбы?

– КСДПнын үркөрдөй жыйынын көрдүк, аны митинг деп айтууга болбойт. Себеби, чогулгандар учурда коррупцияга шектелип тергөө абагында отургандардын жек-жааттары, тарапташтары экени көрүнүп турду. Өздөрү да баса белгилеп айтып жатышты. А билдирүү боюнча, Атамбаев кезектеги жолу кыргыз элине калп жаадырды. “Мен бийликке келген жылы милиция, мугалим, дарыгерлердин айлык акысы 2 миң сом болчу”, – деди. Ал бийликке келген 2011-жылы мугалимдердин, милиция, дарыгерлердин да маяналары 8-9 миң сом болуп калган, алды 10 миң сом алышчу.

Анан да Райым-миллионду бир гана жолу, 2010-жылы Курсан Асановдун үйүндө көргөнүн айтып жатат. А соцтармактарда Райым-миллион, Атамбаев, Илмиянов үчөөнүн чогуу түшкөн сүрөтү жарыяланды. Ал жерде Асановдун карааны да жок. Бул да Атамбаевдин кезектеги калпы.

Ал бийликти Кыргызстанды колхоз, кыргыз элин мал кылып жатат деди. Өзү кыргыз элин мал деп деп ойлогону үчүн ишене берет деп жалгандарды жаадырып атпайбы. Ал эми колхоз дегени туура болду, анткени өзү башкарган алты жыл ичинде базаркомдорун, жансакчы, таразакорлорун майлуу-сүттүү орундарга алып келип, өлкөнү колхозго айлантты. Кыргызстанды колхозго айлантуу процессин өзү ушинтип баштап берген. Алты жылда олчойгон карызга батырды, анын кесепетин азыр биз көрүп жатабыз. Ар нерсени сүйлөп, сын айтканды коюп, өзү айтмакчы кысчу жерин кысып отурушу керек болчу. Жээнбековду “легалдуу эмес президент, мен аны тааныбайм”- дейт. А азыркы президенттин инаугурациясында ким алкоо сөздөрүн аянбай арнап, бата да берип жиберди эле? Анан кантип тааныбайм дейт? Эки жүздүүлүктүн да чеги болушу керек да. Ошондуктан, башкалар айтса да Атамбаев эч нерсе айтпай, кычу жерин кысып отурсун.

Булак: «Майдан.kg»


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83