Бүгүн Бишкекте өткөн «Мигранттар үнү» деп аталган акцияда «Замандаш» партиясынын төрагасы Жеңиш Молдокматов Орусияда жана башка чет мамлекеттерде жашап-иштеп жаткан кыргызстандык мигранттар «Жүк-200» маселесин чечүү боюнча кол топтоп жатканын билдирди.

Анын айтымында, ушул кезге чейин 40 миң кишинин колу чогулган. Ал эми кол топтоонун жыйынтыгын күз айларында жыйынтыктап Жогорку Кеңешке кайрылуу менен жиберишет.

«Мигрант үнү» деп аталган тынчтык акциясына Орусияда жана башка өлкөлөрдө иштеген мигранттар, коомдук уюмдардын өкүлдөрү катышты. Анда мигранттар кабылган кыйынчылыктар тууралуу айтылып, өкмөткө аларды чечүү боюнча сунуштар берилди.

Булак: NazarNews.kg