www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Кожобек Рыспаев: "Суусамырда 7 унаа баш байге коюлуп, чоң той өткөнү жатат"

Кызгалдак Жакыпова 27-июнь 2019, 19:58

Экономика Саясат


Кожобек Рыспаев: "Суусамырда 7 унаа баш байге коюлуп, чоң той өткөнү жатат"

КСДП фракциясынан ЖК депутаты, Кожобек Рыспаев: "Суусамырда 7 унаа баш байге коюлуп, чоң той өткөнү жатат" деп, АЗИЯnews гезитине маек курду.

-- Кожобек мырза, Суусамыр жергесинде чоң той өткөргөнү жатыпсыз. Эмне болгон иш-чара ал?

--Быйыл кадимки Кожомкул балбандын 130 жылдыгы. Иш-чараны өткөрүү боюнча демилге көтөрүп чыкканбыз. Уюштуруу комитети түзүлүп, башында вице-премьер Алтынай Өмүрбекова туруп, жакшы даярдык кылдык. Кожомкулдун туулуп өскөн жери Суусамырдын Кара-Кол жайлоосунда, буйруса, ушул айдын соңунда өтөт. 29-июнь күнү ат оюндары, көк бөру жарым финалдары башталат. ЗО-күнү расмий бөлүк болуп, анан жабылат.

--  Оюнчулар Кыргызстандын баардык аймактарынан чакырылдыбы?

-- Оюн эл аралык деңгээлде өтөт. Демек, жакынкы кошуна өлкөлөрдөн да коноктор келишет. Албетте, Кыргызстандын баардык облус, райондорунан оюнчулар да келишет. Биринчи жолу, «ат көтөрүү», «таш көтөрүү» деген жаңы оюндардын түрлөрү ойнолот. Анткени, Кожомкул ата өзү балбан болгон. Андыктан, ат, таш көтөргөн балбандар казак, өзбек туугандардан чакырылды. Ат көтөргөн жеңүүчүгө бир унаа, таш көтөргөнгө бир унаа байгелер коюлду. 2-3-орундарга да сөзсүз байгелер да болот. Мындан сырткары, көк бөрүгө, ат чабышка, эр эңиш, күрөшкө бирден унаа, жалпысынан 7 унаа баш байге коюлду.

-- Маараке чоң даярдыкта өтүп жаткан соң, мамлекеттик деңгээлде да көңүл бурулган болсо керек?

-- Мындай тойлорду каржылоо мамлекет тарабынан болбой калган. Андай эрежени алып салган. Ошого карабай, биздин бийлик мындай инсандарга көңүл бурат. Президентке да, өкмөт башчыга да рахмат айтам. Кожомкул атабыздын урпагы катары чуркап жүрөм. Президентке кирдим, фондунан 400 миң сом бөлүп берди. Премьер-министр 300 миң, спикер 200 миң сом беришти. Калганын Суусамыр эли, Военный-Антоновкадагы суусамырлыктар чогултуп, ошону менен «көп түкүрсө көл болот» деп, мааракебиз өткөнү турат.

Булак: Динар Турдугулова, Азияnews


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83