www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

АУДИО - Президент Сооронбай Жээнбеков Баткен шаарындагы курулуп жаткан Үй-бүлөлүк медицина борбору менен таанышты

Кызгалдак Жакыпова 04-июль 2019, 18:14

Расмий кабарлар



 АУДИО - Президент Сооронбай Жээнбеков Баткен шаарындагы курулуп жаткан Үй-бүлөлүк медицина борбору менен таанышты

Кыргыз Республикасынын Президенти Сооронбай Жээнбеков бүгүн, 4-июлда, Баткен облусуна бир күндүк иш сапарынын алкагында Баткен шаарындагы курулуп жаткан Үй-бүлөлүк медицина борбору (ҮМБ) менен таанышты.

Өлкөнүн саламаттык сактоо министри Космосбек Чолпонбаевдин жана Архитектура, курулуш жана коммуналдык-чарба мамлекеттик агенттигинин директору Бактыбек Абдиевдин маалыматы боюнча,  үй-бүлөлүк медицина борборунун жаңы курулуп жаткан имараты 2001-жылы башталган. Долбоор боюнча, имарат 2 блоктон, 3 кабаттан турат, 250 орунга  ылайыкталган. Жалпы сметалык баасы 174, 5 млн. сомду түзгөн.

Акыркы жылдары каражат каралбагандыгына байланыштуу курулуш иштери токтоп калган.

2015-жылы курулуш кайра жанданып, бүгүнкү күнгө карата ал 95 пайызга бүтүп калды. Борборду ишке киргизүү үчүн аны зарыл эмеректер жана жабдуулар менен камсыздоо керек.

Президент Сооронбай Жээнбеков, имаратты көрүп чыгып, өлкөдө, өзгөчө региондордо саламаттык сактоону жана медицинаны өнүктүрүү мамлекеттик саясаттын артыкчылыктуу багыттарынын бири экенин белгиледи жана бул Үй-бүлөлүк медицина борборун тез арада пайдаланууга берүү зарылчылыгын баса белгиледи.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83