www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Укмуштуу окуялар: "Жан алгыч көпөлөк"

Айдар Нуралиев 12-июль 2019, 13:09

Турмуш


Укмуштуу окуялар: "Жан алгыч көпөлөк"

Адам акылына сыйбаган укмуштуу окуялар бир гана бизде эмес, дүйнөнүн булуң-бурчунда кездешет эмеспи. Эмесе, өз башынан өткөргөн окуяларды баяндаган замандаштарыбыздын айткандарына ортоктош болсок...

—Бул окуя мен үчүн ушул кезге түшүнүксүз бойдон калды. Январь айы. Сыртта 20 градус суук. Ашканада апам, сүйлөшкөн кызым жана мен болуп чай ичип олтурганбыз. Аңгыча эле кайдан-жайдан бөлмөнүн ичинде бир шайтан көпөлөк пайда болду. Анын канаттары сары, кара түстө экен. Көпөлөк ары-бери учту. Күйүп турган жарыкты лампочканы айланды. Анан кокусунан учуп келип мага конду. Бир аз турган соң кайра апама учуп барды. Арадан беш-он мүнөт өткөндөн кийин сүйлөшкөн кызымдын колуна келип конду да, ошол бойдон көздөн кайым болду. Үчөөбүз эмне болуп кеткенине эч түшүнбөй бири-бирибизди карап таң калып туруп калдык.

Дал ошол учурда үйдөгү телефонго бирөөлөр чалышып атамдын каза болгондугун угузушту. Көрсө, атам түндө достору менен бир аз майрамдап, адашып үйдү таппай, сыртта калып тоңуп калган экен. Мен аны укканда дароо эле шашылып шаардагы өлүкканага жөнөдүм. Мага ал жерде иштегендер атамдын сөөгүн көрсөтүштү. Атамды кучактап ыйлап жатып сырткы кийимине сары, кара түстөрдүн шыбалып калганын байкадым. Жакшылап карасам бул жанагы биз көргөн көпөлөктүн шыбандысы экен.

Эмнегедир менде коркуу сезими пайда болду. Бирок ошондо коркконумду, табышмактуу окуяны эч кимге айткан жокмун. Андан бери далай жыл өтсө да бул табышмакты чечмелей албадым. Көпөлөк тууралуу көптөгөн маалыматтарды издесем да мага жооп табылган жок. Бүгүнкү күнгө чейин атамдын жанын дал ошол көпөлөк алып кеттиби деп ойлой берем.

Даярдаган: Нурислам  КАБАКБЕКОВ, NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83