www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Кыргыз Республикасынын Акыйкатчысы (Омбудсмени) Токон Мамытовдун Кой-Ташта болгон кырдаал боюнча билдирүүсү

Кызгалдак Жакыпова 08-август 2019, 16:31

Саясат


Кыргыз Республикасынын Акыйкатчысы (Омбудсмени) Токон Мамытовдун Кой-Ташта болгон кырдаал боюнча билдирүүсү

Кыргыз Республикасы укуктук мамлекет деп жарыяланган. Укуктук мамлекет -деп социалдык, саясий, идеологиялык, диний ж.б. ынанымдарына жана абалына карабастан бардык адамдар мыйзам алдында бирдей болгон мамлекетти айтабыз.

Укуктук мамлекет сөз жүзүндө эмес, иш жүзүндө болушу үчүн биз мыйзамды сыйлап ага баш ийишибиз керек.

Кой-Таш айылындагы кечээги окуянын хроникасы көрсөткөндөй, тынч мезгилде адамдар жабыр тартты, тилекке каршы бир аскер адамы курман болду. Курман болгон аскер кызматкеринин үй-бүлөсүнө жана жакындарына көңүл айтам. Жабыркагандар тезирээк айыгып кетишин каалайм.

Мен, өлкөнүн Акыйкатчысы катары укук айдыңынан чыкпоого чакырам. Мурунку Президент А. Ш. Атамбаевге кайрылам, эгерде Сиз укук коргоо органдарына ишенбей, ИИМ ичинен күбө катары көрсөтмө бергиңиз келбей жаткан болсо, көрсөтмө берүү үчүн Акыйкатчы институтунун аянтчасы менен камсыз кылып, Сиздин коопсуздугуңузду камсыздалышына кепилдик берүүгө даярмын.

Урматтуу, Алмазбек Шаршенович, сиз Кыргыз Республикасынын Күч органдарынын башкы кол кол башчысы болгонсуз. УКМКнын жетекчилеринин буйругун аткарган кызматкерлерин кармап турууга жол берилбеши керек.

Мен мамлекеттин мыйзамдарын сактоого баарын чакырам. Тынч күндөрдө эч ким жапа тартпашы жана курман болбошу керек. Кыргызстан олуттуу кооптуулуктун алдында турат.

Республиканы жана элди бөлүүгө жана абалдын андан ары чыңалышына жол бербөө керек.

Бирдиктүү Кыргызстандагы туруктуулук жана тынчтык – бардык кыргызстандыктар үчүн эң башкы баалуулук!

Эки күндөн кийин бардык мусулмандар үчүн адамдарды боорукерликке, адамкерчиликке, мээримдүүлүккө үндөгөн – Курман айт болгону турат. Бул үй-бүлөнү, улутту, коомду жалпысынан баарыбызды бириктире турган майрам.

Андыктан, мамлекеттин кызыкчылыгы жеке кызыкчылыктан жогору турушу абзел!


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83