www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Сагынбек Абдрахманов КСДП партиясынын мүчөлөрүнө Кайрылуу жасады

Кызгалдак Жакыпова 10-август 2019, 14:23

Саясат


Сагынбек Абдрахманов КСДП партиясынын мүчөлөрүнө Кайрылуу жасады

Сагынбек Абдрахмановдун Кыргызстан Социал-демократиялык партиясынын мүчөлөрүнө жана жергиликтүү баштапкы уюмдарга Кайрылуу жасады. 

Төмөндө текст толугу менен: 

Урматтуу Кыргызстан Социал-демократиялык партиясынын мүчөлөрү жана жергиликтүү баштапкы уюмдун жетекчилери. Өзүңүздөргө белгилүү болгондой ушул жылдын 3-апрелинде “КСДП тазалануу жана жаңылануу жолунда” деген ураан менен өткөн, КСДПнын кезектеги XVIII-сьездинде бир добуштан мени КСДПнын төрагалык кызматына шайлагансыздар. Кезектеги XVIII-сьездде кабыл алынган чечимдерди ишке ашыруу максатында көптөгөн иш чараларды өткөрүп, партияны укуктук талаага кайтарып келдик.

Тилекке каршы жүргүзгөн иш аракеттерибизге партиянын мурдагы төрагасы Атамбаевдин тарапташтары болгон партиялаштарыбыз көптөгөн тоскоолдуктарды жаратып, акыры сотко даттанганга чейин жетишишти. Биздин жасап жаткан иш аракетибизде мыйзамсыздык болбогондугун 6-августта Бишкек шаардык соту тастыктап тиешелүү чечимин чыгарды.

Баарыңыздарга белгилүү болгондой 7-августта Атамбаев жеке керт башынын кызыкчылыгы үчүн Кыргыз Республикасынын Конституциялык тутумуна каршы иш аракетин өзүнүн тарапташтары менен уюштуруп, жыйынтыгында УКМКнын атайын кызматынын бир кызматкерин өлтүрүшүп, алты кызматкерин барымтага алышып, бир нече кызматкерлеринин ден соолугуна ар кандай залалдарды келтиришти. Чүй облусттук ИИБнин башчысы оор жаракат алып, ушул күнгө чейин эсине келе элек. Укук коргоо кызматынын бир нече кызматкери ар кандай жаракат алышты. Мындан сырткары жүзгө жакын карапайым жарандарыбыздын дагы ден-соолуктарына залал келди.

Партиянын мурдагы төрагасы Атамбаев өзүнүн кылмышын жашыруу үчүн биздин партиялаштарыбыздын тагдырын талкалап, өзү менен кошо кылмышкерге айландыргандыгына менин жүрөгүм ооруп турат. Ошолордун катарында биздин фракциянын депутаттарынын катышкандыгы мени аябай өкүндүрөт. Бирок, менин кайрылбаска аргам жок.

Урматтуу партиялаштар жана жергиликтүү баштапкы уюмдун жетекчилери. Сиздерге кайрылганымдын себеби кечээки 7-августта Кой-Таш айылында болгон Кыргыз Республикасынын Конституциялык тутумуна каршы кутум уюштуруп, эгемендүүлуккө шек келтирген Атамбаевди колдогон партия мүчөлөрүнүн кылган аракеттерин жергиликтүү партиялык жыйындарда талкуулап, алардын жасаган иштери партиянын Уставына туура келгенби же туура эмес кадамдарды жасаганбы ошого баа берүүңүздөр зарыл деп эсептейм. Ошондой эле Кыргыз Республикасынын Жогорку Кеңешинин депутаттары болгон КСДП фраксиясынын мучөлөрү И. Карамушкина, А. Кодуранованын, К.Орозованын аракеттерине терең баа берип, алардын фракцияда калуудагы моралдык жоопкерчилигин тактап, партиянын атынан алган Жогорку Кеңештин депутаты деген мандатын чакыртып алуу маселесин баштапкы уюм кароосу зарыл.

Ким болбосун Кыргыз Республикасынын бүтүндүгү менен эгемендүүлүгүнө доо кетирип, Конституциялык тутумуна каршы кутум уюштургандарды колдогон партия мүчөлөрүн жергиликтүү баштапкы уюмдар өз отурумдарында карап, кылган иш аракетине карата баа берүүңүздөр бүгүнкү күндүн жана учурдун талабы.

Сиздерди урматтап, КСДПнын төрагасы: С. У. Абдрахманов.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (1)

Ой-пикир жазуу үчүн өз атыңыз менен кириңиз!

Оля Таалайбекова, 12-август 2019, 12:39
Кармашаар жоон жалан эле катындар го.
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83