www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Оор кылмышты калкалаган милициялардын “крышасы” вице-премьер-министр Жеңиш Разаков беле?

Кызгалдак Жакыпова 12-сентябрь 2019, 15:12

Кылмыш жана кырсык Саясат


Оор кылмышты калкалаган милициялардын “крышасы” вице-премьер-министр Жеңиш Разаков беле?

Биз ушунчалык жоопкерчиликсиз заманда жашап жатканыбызды дагы бир ирет фактылар менен далилдейли.

28-августта Бишкек шаарынын Жал кичирайонунда мыкаачылар оор кылмыш ишине кириптер болушкан. Кыргызстан дүңгүрөдү. Таңгалычтуусу, айбан сымал зөөкүрлөрдү жашырып-жапкан милиция кызматынын жетекчилери жоопкерчиликке тартылышкан жок. Коомчулукта болсо дагы эле кыжырдануу күч. Эмесе, кеп башынан болсун.

Жаныбек Бапышев менен Калысбек Сейитбеков бейкүнөө эки жигитти аёосуз тепкилегени, бирок дароо жазаланбай эркиндикте жүрүшүп, качан гана коомчулук түп көтөрүлгөндө милиция издөө жарыялаган. Эгерде эки зөөкүр тогуз күндөн кийин өздөрү Бишкек ШИИБге келишпегенде дагы эле чуру-чуу түшүп жатмакпыз да. Эмне үчүн шектүү жетекчилер жоопкерчиликке тартылбайт эй?! Маселен, Ленин РИИБнин башчысы Мадияр Кулуев, кылмыш болгон аймактагы ГОМдун начальниги Руслан Разаков (вице-премьер-министр Жеңиш Разаковдун иниси) ордуларынан козголуп да коюшкан жок. Ал эми милициянын катардагы буйрук аткарган кызматкерлери камалышып, үй камагына алынышканы маалым.

Кызык, Кулуев менен Разаков шалаакылык кылышканын, оор кылмышты жашырышканын моюндарына алышпайбы? Кеп бул жерде “кой терисин жамынган карышкырларда” болуп жатканы, адатта, ошол мыкаачылардан да кооптуу экени логикага туура келип атабы? Эгерде коомчулук козголбосо, булар кабагым-кашым (!) дебестен өлгөндүн үстүнө көмгөн кылышып, убалдан коркпой отурушмак экен да, туурабы? Дал ушундай теңсиздиктен кийин милицияга ишеним кайдан жаралмак эле?

Бул чуулуу окуяны премьер-министр Мухамметкалый Абылгазиев, министр Кашкар Жунушалиев көзөмөлгө алышканын жарыялашкан. Бирок, “кол ийрисине тартып”, быягынан былыктары чыгып атпайбы. Күч органдарын тейлеген вице-премьер-министр Жеңиш Разаковдун иниси Руслан Разаковдон “жыландын башы” кылтыйды го? “Иттин өлүгү кайда көмүлгөнүн” билдиңерби? “Туура бийде тууган жок, туугандуу бийде ыйман жок” деген кеп бекер айтылбаптыр, деп "АЗИЯnews" гезити өз пикирин коомчулукка жарыялаган.

Булак: NazarNews.kg

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83