www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Эмилбек Каптагаев: “Сооронбай Жээнбековдун кен байлыктар боюнча пикирлери колдоого арзыйт”

Нурбек Айдар 16-сентябрь 2019, 09:43

Коом Саясат


Эмилбек Каптагаев: “Сооронбай Жээнбековдун кен байлыктар боюнча пикирлери колдоого арзыйт”

“Кечээки жолугушууда президент Сооронбай Жээнбековдун кен байлыктарды сарамжалдуу жана натыйжалуу пайдалануу, лицензия берүүнү тартипке салуу боюнча пикирлери мага жакты, колдоого арзыйт”. Мындай пикирин саясатчы Эмилбек Каптагаев өзүнүн социалдык баракчасына жазып чыкты.

“Анын "Кыргызкөмүр" жана "Кыргызалтын" ишканалары баардык кен казылып жаткан жерлерде үлүшкө ээ болуп, мамлекеттик кызыкчылыктарды камсыз кыла ала тургандай ыйгарым укуктары жана мүмкүнчүлүктөрү болууга тийиш деген пикирин кантип колдобой коюга болот. Сооронбай Шарипович муну ишке ашыруу механизми катары мурда жеке ишкерлерге, менчик ишканаларга же чет элдик инвесторлорго берилип кеткен кен байлыктардагы үлүш аталган эки акционердик коомдун акцияларына алмаштырылууга тийиш деп эсептейт экен. Жөн эле зордукка салып тартып алуу керек деген чакырыктарга караганда бул таза рыноктук жол, мыйзамдуу жол. Мисалы, "Кыргызкөмүр" ишканасынын акциялары көмүр казып иштеп жаткан ишканалардын үлүшүнө айырбашталат, ал ишканалар "Кыргызкөмүр" ишканасында үлүшкө ээ болуп калышат, ал эми "Кыргызкөмүр" болсо алардан үлүшкө ээ болот. Ошондо көмүр жана алтын кендеринин баарында (башка кен байлыктарда деле) мамлекеттик үлүш бар болуп калат.

Учурунда (1995-жылы) алкоголдук ичимдиктерди өндүрүүгө мамлекеттик монополияны жана көзөмөлдү кайра калыбына келтирүү үчүн ушундай механизм колдонулган, "Кыргызалко" ишканасын түзүү жана жеке менчик арак жана спирт заводдорунда мамлекеттин үлүшүн камсыз кылуу үчүн сунуш кылынган. Ошол сунушту даярдап, ага тиешелүү укук-ченем актыларынын долбоорлорун даярдаган өкмөттүн жумушчу тобуна мен жетекчилик кылган элем”, -деп кошумчалаган Каптагаев.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83