www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
КСДПнын мүчөлөрү ИИМге суракка чакырылды

Кызгалдак Жакыпова 16-сентябрь 2019, 13:49

Саясат


КСДПнын мүчөлөрү ИИМге суракка чакырылды

Жогорку Кеңештеги КСДП фракциясынын депутаттары Асел Кодуранова жана Ирина Карамушкина Ички иштер министрлигине (ИИМ) бүгүн, 16-сентябрга суракка чакырылды.

Кыргызстан социал-демократиялык партиясынын (КСДП) төрагасынын орун басары Кундуз Жолдубаева ИИМге андан тышкары өзү жана «Ачык саясат плюс» гезитинин редактору Назгүл Мамытова, партиянын активисти Роза Турксевер да чакырылганын кабарлады.

Анын маалыматына караганда Кодуранова менен Карамушкина саат 14:00 жана 15:00гө чакырылды. Ал эми Мамытова менен Турксевер суракка кирип кетишти. Өзү болсо 18:00гө барат.

Аты аталгандардын ичинен Ирина Карамушкинадан башкасынын баары 7-8-август күндөрү Кой-Таш айылында болгон тополоңго байлыныштуу күбө катары өтүп жатышат. Алар ИИМге буга чейин да бир нече жолу сурак берип чыгышкан.

Депутат Карамушкинага 22-августта Жазык кодексинин 244-беренеси («Барымтага алуу») жана 43-беренеси («Кылмышка катышуу») боюнча айып коюлган.

Кой-Таш айылында 7-8-август күндөрү Алмазбек Атамбаевди кармоо операциясында «Альфанын» алты жоокери барымтага алынып, бир офицери каза тапкан жана жалпысынан 136 адам жаракат алган. Башкы прокуратура камакка алынган Атамбаев бир катар оор жана өзгөчө оор кылмыштар боюнча шек саналып жатканын билдирген. Учурда ал УКМКнын тергөө абагында кармалууда.


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83