www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
ИИМ: Талас облусунун аймагында Улуттук көчмөндөр оюндарын өткөрүүдө милиция кызматкерлери коомдук тартипти жана коопсуздукту камсыздайт

Кызгалдак Жакыпова 16-сентябрь 2019, 18:55

Кылмыш жана кырсык


ИИМ: Талас облусунун аймагында Улуттук көчмөндөр оюндарын өткөрүүдө милиция кызматкерлери коомдук тартипти жана коопсуздукту камсыздайт

Кыргыз Республикасынын Ички иштер министрлиги  тарабынан 2019-жылдын 16-21- сентябрь күндөрү Талас облусунда Улуттук көчмөндөр оюндарын өткөрүүдө  коомдук тартипти жана коопсуздукту  камсыздоо боюнча уюштуруу иш-чаралары каралган.

Улуттук көчмөндөр оюндарынын салтанаттуу ачылыш жана жабылыш аземине коомдук тартипти жана коопсуздукту камсыздоодо 800гө чукул милиция кызматкерлери  катышат. Ошондой эле, Улуттук көчмөндөр оюндарын өткөрүүдө, келген конокторду тосууда  жол кыймылынын коопсуздугун камсыздоодо Кыргыз  Республикасынын ИИМдин ЖКККББнын башка облустарынын кызматкерлери тартылган. Негизги иш-чаралар «Манас» комплексинде, Талас шаардык Ат майданында, «Газпром» ден-соолукту чыңдоо комплексинде жана спорт-интернатында өткөрүлөт. Катышуучулар жана уюштуруучулар жайгашкан баардык конок үйлөрү жана, мейманканалар ички иштер органдары  тарабынан кайтарууга алынат.

Улуттук көчмөндөр оюндарын өткөрүүдө коомдук тартипти жана коопсуздукту камсыздоодо Кыргыз Республикасынын Ички иштер министрлиги  баардык тартылган күч каражаттарын жумшайт жана коомдук тартиптин бузулушуна жол бербейт.

Бул багытта, ар бир иш-чара өткөн аймакта милициянын көчмө кабылдамалары ишмердүүлүктөрүн  алып  барышат. Аталган  кабылдамаларга  кайрылган ар бир  жаранга тиешелүү жардамдар берилет.

Жалпысынан алганда, Улуттук көчмөндөр оюндарын өткөрүүгө Кыргыз Республикасынын Ички иштер министрлиги тарабынан баардык тиешелүү чаралар көрүлүп, өздүк курам күчөтүлгөн тартипте кызмат өтөп, коомдук тартипти сактоо толугу менен ички иштер министрлигинин көзөмөлүндө турат.

Мамлекеттик деӊгээлдеги мындай иш-чараларды өткөрүү боюнча  ички иштер органдарынын  тажрыйбасы бар жана тапшырма аткарууга даяр экендигин ишендирип кетебиз, деп билдирди ИИМдин Басма сөз кызматы.

Булак: NazarNews.kg

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83