www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

Тажик тарап Кыргызстанга нааразылык нотасын жөнөттү

Кызгалдак Жакыпова 18-сентябрь 2019, 08:56

Коом


Тажик тарап Кыргызстанга нааразылык нотасын жөнөттү

Болуп өткөн чыр-чатакка Кыргызстан нааразы болуп Тажикстанга нотасын жөнөтсө Тажикстан да жөн калбай Кыргызстанга нааразылык нотасын жөнөттү. Тажикстандын Тышкы иштер министрлиги 17-сентябрда Кыргыз Республикасынын Тажикстандагы иштериндеги ишенимдүү өкүлү эки өлкөнүн жарандарынын ортосунда 16-сентябрда кыргыз-тажик чек арасында болгон чатакты талкуулаш үчүн чакырылганын билдирди. Эки тараптын маалыматына караганда, чатактын натыйжасында төрт чек арачы, анын ичинде Кыргызстандын бир, Тажикстандын үч чек арачысы курман болгон. Эки тарап жоопкерчиликти бири-бирине жүктөдү.

Жолугушууда тажик тарап кыргыз тараптын аракеттерине нааразылыгын билдирип, «такталбаган чек ара тилкесинде объектилерди сала баштады» деп айыптаган. «Кыргыз тарап окуя болгон жерге 250-300 аскер алып келип, алар Тажикстандын Бахор айылынын тынч тургундарына каршы курал колдонгон» деп айтылат расмий Дүйшөмбүнүн билдирүүсүндө.

Тажик тышкы саясат мекемеси кыргыз тарапка нааразылык нотасын тапшырды. Мурда Кыргызстандын Тышкы иштер министрлиги да Тажикстандын Бишкектеги элчиси С.Олимзоданы чакыртып алып, ага өз дооматтарын билдирип, нааразылык нотасын тапшырган.

Азизбек КЕЛДИБЕКОВ, NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83