www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Президент Сооронбай Жээнбеков Кувейттин финансы министри Наиф Фалах Мубарак Аль-Хаджраф менен инвестициялык кызматташтыктын келечегин талкуулады

Кызгалдак Жакыпова 19-сентябрь 2019, 18:31

Расмий кабарлар


Президент Сооронбай Жээнбеков Кувейттин финансы министри Наиф Фалах Мубарак Аль-Хаджраф менен инвестициялык кызматташтыктын келечегин талкуулады

Кыргыз Республикасынын Президенти Сооронбай Жээнбеков бүгүн, 19-сентябрда, Кувейт Мамлекетинин финансы министри Наиф Фалах Мубарак Аль-Хаджраф менен жолугушту.

Өлкөлөр ортосундагы финансылык жана инвестициялык кызматташтыктын келечеги талкууланды.

Мамлекет башчысы Кувейт менен эки тараптуу аракеттенишүүнү өстүрүү Кыргызстандын тышкы саясатындагы артыкчылыктуу багыттарынын бири экенин белгиледи.

Сооронбай Жээнбеков Кувейт тарапка экономикалык жана финансылык көмөгү үчүн ыраазычылык билдирди. Атап айтканда, стратегиялык инфраструктуралык долбоорлорду ишке ашырууда Араб экономикалык өнүктүрүү Кувейт Фондунун ишмердигин белгиледи.

Ошондой эле Мамлекет башчысы «Ас-Салам», «Ас-Сафа» жана «Ассанабил» кайрымдуулук фонддорунун жакшы ишмердигин канааттануу менен белгиледи.

Президент Сооронбай Жээнбеков өлкөлөр аралык соода-экономикалык жана маданий-гуманитардык кызматташуунун өстүрүү зарылдыгын баса белгилеп, аймактарды өнүктүрүү, санариптештирүү, айыл чарба, билим берүү, медицина ж. б. тармактарда биргелешкен долбоорлорду ишке ашырууга даяр экендигин билдирди.

Кувейттин финансы министри Наиф Фалах Мубарак Аль-Хаджраф Кувейт тарап бардык багыттар боюнча эки тараптуу кызматташтыкты тереңдетүүгө кызыкдар экенин белгиледи.

Ал инвестициялык сунуштарды карап чыгып, биргелешип иштетүүгө даярдыгын билдирди.

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83