Август айынын соңунда Сокулук районунун Селекционное айылынын тургуну укук коргоо кызматкерлерине үйүнө ууру кирип, буюм-тайымдары жоголгондугу тууралуу арыз менен кайрылган.

Ыкчам иликтөө иштеринин натыйжасында ушул айдын орто ченинде уурулукка шектелген жарандар кармалган. Алардын үйүн тинтүү учурунда толгон-токой уурдалган буюм-тайымдар табылган. Алардын арасында сканер, чаң соргуч, компьютердик жабдыктар, шуба, дубленка ж.б. буюмдар табылган.

Мындан улам, Чүй облустук ИИББи кылмышкерлердин үйүнөн табылган буюмдардын тарых-таржымалын аныктап, жабырлануучуларды табуу максатында  жарандарга кайрылууда. Эгерде кимде ким бул буюмдардан өзүлөрүнө таандык нерселерди тааныса анда Сокулук РИИБине төмөндөгү номурлар аркылуу байланышса болот: 0312 607567, 03134 5 33 80, 0700 113176

Булак: NazarNews.kg