www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Мухаммедкалый Абылгазиев: Өлкөдө авариялык, «контейнерде» жана чатырларда мектептер болбош керек

Кызгалдак Жакыпова 26-сентябрь 2019, 17:05

Саясат


Мухаммедкалый Абылгазиев: Өлкөдө авариялык, «контейнерде» жана чатырларда мектептер болбош керек

Барынан биринчи авариялык абалдагы мектептердин ордуна жаңы курула турган жалпы билим берүүчү мекемелер каржылана турганын Мухаммедкалый Абылгазиев «капиталдык салымдар» беренеси боюнча билим берүү объектилеринин курулуш иштеринин жүрүшү талкууланган жыйында билдирди. Бул тууралуу Өкмөттүн басма сөз кызматы жазып чыкты.

Жыйындын жүрүшүндө 2017-2018-жылдардын аралыгында республика боюнча 243 билим берүү  объектиси курулганы айтылды. Анын 121и мектеп жана спорт зал, 122си бала бакча. Бул үчүн 5,2 млрд сом бөлүнгөн. 2019-жылы 46 объекттин курулуш иштери аяктаган, алар 28 мектеп жана 18 бала бакча.

Премьер-министр авариялык абалдагы мектептер өзгөчө тынчсыздандырып жатканын белгиледи.

«Өлкөдө авариялык, «контейнерде» жана чатырларда мектептер болбош керек. Учурда мындай мектептин 17си бар, алардын курулуш иштерин тездетүү жана каржылоо маселесин чечүү керек. Бюджеттин киреше бөлүгүндөгү объективдүү кыйынчылыктарга карабастан, бул маселе барынан биринчи болуп каралыш керек, биз мектептердин курулушуна каражат табабыз жана республика боюнча авариялык абалдагы бир дагы мектеп болбогондой деңгээлге жетебиз», – деди Мухаммедкалый Абылгазиев.

Жыйында жаңы билим берүү объектилерин курууда системалуу мамиле болгон эмес, ар кандай себептер менен, кээде саясий мүнөздөгү учурлар менен коштолуп, мектепке муктаждык жок жерлерге чоң билим берүү жайы курулуп келгени белгиленди. Мына ошол жаңы мектептерде окуучулар аз болуп, толбой жатса, ошол эле учурда айрым райондордо мектептин жоктугунан кыйынчылыктар пайда болгон.

Премьер-министр Мухаммедкалый Абылгазиев белгилегендей, бул маселелер жалпы билим тармагындагы иштерди системалаштыруу боюнча ыкчам чараларды кабыл алып, аларды чечүү иштери жаңы жетекчинин алдында турат. Бул үчүн билим берүү объектилерин курулушунда жаңы ыкмаларды киргизип, конкреттүү план даярдалышы керектигин баса белгиледи.

Мындан тышкары жыйындын жүрүшүндө билим берүүнүн сапатын жогорулатуу, материалдык-техникалык базаны жакшыртуу маселелери талкууланды. Айтсак, мектептерди курууда жана жабдууларды колдонууда бирдиктүү стандарттарды киргизүү маселелери көтөрүлдү, мындан тышкары курулуш иштеринде жана жасалгалоодо зыянсыз материалдарды колдонуу, экологиялык коопсуздук боюнча талаптарды сактоо керектиги айтылды.

Жыйындын соңунда Өкмөт башчы Кыргыз Республикасынын Финансы министрлигине, Кыргыз Республикасынын Билим берүү жана илим министрлигине жана Кыргыз Республикасына Өкмөтүнө караштуу архитектура, курулуш жана турак-жай-коммуналдык чарба агенттигине бир катар конкретүү  тапшырмаларды берди.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83