www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Новосибирсктеги массалык мушташ боюнча 25 кыргызстандык кармалды

Айдар Нуралиев 09-октябрь 2019, 14:12

Кылмыш жана кырсык Дүйнө жүзүндө


Новосибирсктеги массалык мушташ боюнча 25 кыргызстандык кармалды

Новосибирсктеги массалык мушташ боюнча 25 кыргызстандык кармалып, кийин алардын баары кое берилди. Бул тууралуу ИИМден билдиришти.

Маалыматка караганда, Новосибирск шаарындагы массалык мушташ, атышуу боюнча “бейбаштык” жана “акча талап кылуу” беренелери боюнча кылмыш иши козголгон. Тартип коргоочулары 25 кыргыз жаранын кармап, кийин кайра кое беришкен. Ошондой эле жабырлануучу 5 адамга жардам көрсөтүлүп, алардын экөөсү ооруканага жаткырылган. Окуя болгон жерде Кыргызстандын ИИМинин Орусиядагы өкүлчүлүгү жана элчиликтин кызматкерлери иш алып барып жатышат.

Орус басылмаларынын маалыматына ылайык, Кыргыз жараны Новосибирсктеги базарда иштеген ишкерлерден пара талап кылып келген. Кыргыз жараны Орусиянын жарандыгын алган кыргызстандык адам өзүнүн мекендештеринен акча талап кылып жүргөн. Жабырлануучулар мурунку жердешинен өч алууну чечип, анын унаасын өрттөп жиберишкендигин маалымдаган.

Эске салсак, кечээ, 7-октябрда Орусиянын Новосибирск шаарындагы Хилок базарында 200дөй адам катышып, ок атылган окуя катталган. Окуя болгон жерге полиция жана ОМОН тартылып, жалпысы 50 киши кармалган. Мушташка Кыргызстандын, Өзбекстандын жана Тажикстандын жарандары катышкан.

Хилок базары – жалпы Сибирдеги жашылча-жемиш сатылчу эң чоң базарлардын бири.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83