www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Сооронбай Жээнбеков бир катар өлкөлөрдүн элчилеринен ишеним грамоталарын кабыл алды

Айдар Нуралиев 09-октябрь 2019, 16:59

Расмий кабарлар


 Сооронбай Жээнбеков бир катар өлкөлөрдүн элчилеринен ишеним грамоталарын кабыл алды

Кыргыз Республикасынын президенти Сооронбай Жээнбеков бүгүн, 9-октябрда, Япония, Гана Республикасы, Испания Королдугу, Молдова Республикасы, Шри Ланка Республикасы жана Бахрейн Королдугунун атайын жана ыйгарым укуктуу элчилеринен ишеним грамоталарын кабыл алды.

Мамлекет башчысы ар бир элчини жеке Кыргызстандагы дипломатиялык ишмердигинин башталышы менен куттуктап, алардын кесиптик тажрыйбасы өлкөлөр ортосундагы мамилелердин өнүгүүсүнө көмөктөшөрүнө ишенимин билдирди.

Президент Сооронбай Жээнбеков дипломатиялык өкүлчүлүктөрдүн жаңы башчылары менен өлкөлөр ортосундагы кызматташуунун азыркы абалын жана артыкчылыктуу багыттарын талкуулап, кыргыз тараптын соода-экономикалык, маданий-гуманитардык, саясий чөйрөлөрдө жана ошондой эле инвестицияларды тартуу жана ишкерликти колдоо маселелеринде эки тараптуу байланыштарды кеңейтүүгө кызыкдарлыгын билдирди.

Ошондой эле эл аралык уюмдардын жана интеграциялык бирикмелердин алкагында өлкөлөр менен мамилелерди тереңдетүүгө даяр экенин баса белгиледи.

Президент кызматташууну активдештирүү, өлкөлөр ортосундагы мамилелерди бекемдөө боюнча Элчилердин активдүү ишин кубаттаарын белгиледи.

Япониянын элчиси — Сигэки Маэда, Гананын элчиси — Саути Яхья Идди, Испаниянын элчиси — Давид Артуро Карриедо, Молдованын элчиси — Андрей Негуца, Шри Ланканын элчиси — Нурдин Мохаммед Шахед жана Бахрейндин элчиси Анвар Юсуф Абдулла Аль Абдулла  Кыргыз Республикасынын президентин Кыргызстан менен эки жана көп тараптуу мамилелердин толук мүмкүнчүлүгүн ачууга бардык аракеттерин жумшай тургандыктарына ишендиришти.

 


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83