www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
5 миллионду жеп, 1 миллионду сотко берип актала берсе не болот?

Айдар Нуралиев 15-октябрь 2019, 18:36

Экономика Кылмыш жана кырсык


5 миллионду жеп, 1 миллионду сотко берип актала берсе не болот?

Акыркы кездерде кыргыз сотторунан үй камагына чыгып, сырттан сурак берген учурлары көбөйүп кетти. Кызыгы алардын көпчүлүгү мамлекеттик чиновниктер экени белгилүү. Болгондо да миллиондорду сугунуп, болуп көрбөгөндөй кылмыштар мойнуна илинип, бирок ээн эркин басып жүргөнү коомчулукта жакшы эле нааразычылыктарды пайда кылууда. Эмнегедир акыркы кезде мындай жолго баруунун ыкмаларын да өздөштүрүп алышкандай. Кайсыл гана чиновник абакка алынбасын, бир ай өтпөй оорулуу болуп чыгаары белгилүү. Мунун арты айрымдарын абактан алып чыгып, үй камагына кириптер кылууда. Жемкорлордун бири, 2014-жылы «Манас» аэропортуна келтирилген 5 миллион доллар өлчөмүндөгү зыян боюнча шектүү катары кармалып абакка алынган, аэропорттун Бишкек филиалынын директору Мирлан Бегалиев дагы үй камагына чыгарылганы белгилүү болду. Мындай чечимди Бишкектин Биринчи май райондук соту 2-октябрда кабыл алган. Бул тууралуу маалыматты соттун өкүлдөрү кечээ ырасташкан. Ага ылайык, Бегалиев 30-ноябрга чейин үй камагында болот.

Ушундай аракеттерден улам ой келет. Азыр коомдо баарын сатып алып, сатып ийгенге да болот. Сотунан баштап баары сатылып жатканы жашыруун деле эмес. Эгер эртең өлкөнү башкаруу үчүн 100 миллионду жеп, анын 50 миллионуна сотторду сатып алса болот деген жасалма жетекчилер, тендерди уюштуруучулар атайын ошондой арам ой менен келбесине кепилдик барбы? Ойлонуп да көрүү керек. Жегичтер четинен эле жеңилдик алып атышса, ушуну айтпаганда не демек элең?, дейт "Факты.kg" гезити.

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83