www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Аскар Акаев: "Аксы трагедиясы - бул менин өкүнүчүм, кайгым"

Бакыт Молдалиев 18-октябрь 2019, 09:21

Саясат


Аскар Акаев: "Аксы трагедиясы - бул менин өкүнүчүм, кайгым"

Мындай пикирин Кыргызстандын биринчи президенти Аскар Акаев "Азия news" гезитине берген маегинде билдирди.

"Аксы окуясы үчүн өлкө президенти катары менде моралдык жоопкерчилик бар экенин ачык айтып келгем. Аксы трагедиясы - бул менин өкүнүчүм, кайгым. Эгерде укук коргоо органдарынын, жергиликтүү бийликтин катачылык иш-аракеттери жана чагымчылдардын кыянаттыгы болбогондо, Аксы окуясына жол берилмек эмес. Ал окуя болгон күнү мен чет жерде командировкада элем. Бишкекке келээрим менен биринчи вице-премьер-министр Николай Танаев жетектеген авторитеттүү комиссия түзгөм. Анын курамына белгилүү коомчулук өкүлдөрү жана укук коргоочулар киришкен", - дейт анда Акаев.

Ал андан ары Кыргызстандын тарыхында биринчи жолу коопсуздук кеңештин жыйыны ачык өткөнүн, ал түз эфирде көрсөтүлүп, трагедиянын себептери, жүрүшү элге жарыяланганын, эл чындыкты толук угуп-көргөнүн, жыйындын натыйжасында премьер-министр, президенттик администрациянын жетекчиси, ички иштер министри, Жалал-Абад облусунун губернатору кызматтарынан алынып, айрым кызмат адамдарына кылмыш иши ачылганын айтат.

"Ал эми Аксы окуясын кайра-кайра козгоп, күнөөнү жалгыз мага оодарууга аракет кылып жүргөндөр өздөрүнүн жеке жана саясый кызыкчылыктарын көздөгөн саясатчы пенделер экенин баса белгилегим келет", - деп жыйынтыктайт кабарчынын Аксы окуясы тууралуу берген суроосуна жооп берип жатып. 

Булак: NazarNews.kg


Бөлүшүү

Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!



Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 779 02 83 83
+996 779 02 83 83